8 فروری 2024 پاکستان کے عام انتخابات کا دن کہ جب پاکستان کے 12.8 کروڑ ووٹرز ملک کی نئی حکومت کا انتخاب کریں گے، اس موقع پر گوگل نے اپنا ڈوڈل تبدیل کردیا ہے۔
ڈوڈل میں سبز رنگ کا بیلٹ باکس اور بیلٹ پیپر دکھایا گیا ہے، جو ملک میں جاری جمہوری عمل کی علامت ہے۔
الیکشن کمیشن نے پاکستان بھر میں 700,000 بیلٹ باکس کے انتظامات کیے ہیں، جن میں ووٹرز کے لیے 276,000 پولنگ بوتھ موجود ہیں جبکہ چاروں صوبوں میں نوے ہزار چھ سو پچھتر پولنگ اسٹیشنز قائم کیے گئے ہیں۔
ہر پولنگ بوتھ میں دو بیلٹ باکس ہیں، جو بالترتیب قومی اسمبلی اور صوبائی اسمبلی کے لیے مختص ہیں۔
ملک بھر میں پولنگ کا آغاز صبح 8 بجے سے ہوا ہے جو کہ شام 5 بجے تک جاری رہے گا۔
خیال رہے کہ قومی اسمبلی کی نشستوں پر کل پانچ ہزار ایک سو اکیس امیدوار میدان میں ہیں جبکہ چاروں صوبائی اسمبلیوں کے لیے 12695 امیدوار میدان میں ہیں اور ملک میں کل 128,585,760 رجسٹرڈ ووٹرز ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News