آئندہ لوک سبھا انتخابات کے لئے کانگریس پارٹی مبینہ طور پر بھارتی ٹینس اسٹار ثانیہ مرزا کو حیدرآباد سے نامزد کرنے پرغور کر رہی ہے۔
اس حوالے سے جاری رپورٹس کے مطابق کانگریس پارٹی مشہور ٹینس کھلاڑی ثانیہ مرزا کو آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی کے خلاف آئندہ لوک سبھا انتخابات میں حیدرآباد سے میدان میں اتارنے پر غور کر رہی ہے۔
کانگریس پارٹی کے قریبی ذرائع نے ثانیہ مرزا کو آئندہ انتخابات میں ممکنہ امیدوار کے طور پر نامزد کرنے میں پارٹی کی دلچسپی کا اشارہ بھی دیا ہے۔
دوسری جانب نا ثانیہ مرزا اور نا ہی کانگریس پارٹی نے باضابطہ طور پر ان کی امیدواری کی تصدیق کی ہے۔
قابل ذکر بات یہ ہے کہ سلطان صلاح الدین اویسی نے حیدرآباد کی نشست 1984 میں آزاد امیدوار کے طور پر جیتی تھی، اور بعد میں 1989 سے 1999 تک اے آئی ایم آئی ایم کے امیدوار کے طور پر بھی کامیاب رہے تھے۔
اسد الدین نے 2004 سے میراث کو آگے بڑھایا اور سال 2019 کے لوک سبھا انتخابات میں 14 امیدواروں کے خلاف مقابلہ کیا، اور کل ووٹوں کا 58.94٪ حاصل کرکے سیٹ جیتی۔
جہاں تک انتخابات کا تعلق ہے، سات مرحلوں میں 543 پارلیمانی حلقوں کے لیے ووٹنگ 19 اپریل کو شروع ہوگی اور یکم جون کو ختم ہوگی۔
دریں اثنا، تلنگانہ میں 13 مئی کو ایک ہی مرحلے میں ووٹنگ ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News