کراچی: شہر قائد کے مختلف علاقوں میں وقفے وقفے سے بوندا باندی کا سلسلہ جاری ہے جس کے باعث موسم انتہائی خوشگوار ہوگیا ہے۔
کراچی میں صبح سے ہی کالے بادلوں نے ڈیرہ جمایا ہوا ہے جبکہ شہر کے مختلف علاقوں میں بونداباندی کا سلسلہ شروع ہوگیا ہے۔
شہر کے مختلف علاقوں گلشن اقبال، گلستان جوہر، حسن اسکوائر، ملیر، ناظم آباد، لیاقت آباد، سرجانی اور نارتھ کراچی سمیت دیگر پر ہلکی بارش کا سلسلہ جاری ہے۔
واضح رہے کہ چیف میٹرولوجسٹ سردار سرفراز نے بتایا کہ آئندہ چند گھنٹوں میں کراچی کے ساحلی علاقوں میں بارش کا امکان ہے، کراچی کے مختلف علاقوں میں ہلکی بارش اور بوندا باندی متوقع ہے، کراچی پہنچنے سے قبل مغربی سسٹم کمزور ہوگیا، تیز بارش کا کوئی امکان نہیں۔
محکمہ موسمیات نے سندھ کی ساحلی پٹی پر آج اور کل ہلکی سے متعدل شدت کی بارش کی پیش گوئی کی ہے۔
دوسری جانب میئر کراچی بیرسٹر مرتضیٰ وہاب نے شہر قائد میں رین ایمرجنسی نافذ کردی جس کے بعد واٹر کارپوریشن نے مختلف اہم شاہراہوں پر سکشن مشینیں بھیج دیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News