مقبوضہ کشمیر میں پابندیوں اور کرفیو کو 112روز ہوگیا ہے تاہم عالمی برادری ابھی تک خا مو ش تما شائی بنی دیکھ رہی ہے۔

تفصیلات کے مطابق مقبوضہ کشمیر میں پابندیوں اور کرفیو کو 112روز ہوگئے ہیں، برفباری اور سردموسم میں کشمیریوں کو کھانے کی اشیا اور دواؤں کی قلت کا سامنا ہے۔

ذرائع کے مطابق آرٹیکل 370 کی منسوخی کے بعد مقبوضہ وادی میں اسکول، کالجز اور تجارتی مراکز بند ہیں، وادی میں نظام زندگی پوری طرح مفلوج ہوچکا ہے۔

قابض بھارتی فوج نے کشمیریوں کے لیے سانس لینا بھی مشکل کردیا ہے، کھانے پینے کی چیزوں، ادویات اور دیگر ضرورت کی اشیاء کی شدید قلت پیدا ہوگئی ہے۔

کشمیرمیڈیا سروس کے مطابق بھارتی فورسز کے ہاتھوں مقبوضہ کشمیر میں اکتوبر میں دس کشمیریوں کی شہادتیں ہوئیں۔

بھارتی فورسز کی پیلٹ گنز، شیلنگ اور فائرنگ سے 57 کشمیری زخمی ہوئے۔

واضح رہے کہ کرفیو اور عائد پابندیوں کے باعث اب تک مقامی معیشت کو ایک ارب ڈالر کا نقصان ہوچکا ہے جبکہ ہزاروں لوگ بے روزگار ہوچکے ہیں، کشمیری رہنماؤں، نوجوانوں سمیت بچے بھی جیلوں میں قید ہیں، چار ماہ سے کشمیریوں کو نماز جمعہ مساجد میں ادا کرنے نہیں دی جا رہی۔