عراق میں داعش کےخلاف عراقی فورسزکےساتھ مشترکہ آپریشن کےدوران دوامریکی فوجی ہلاک ہوگئے۔
غیر ملکی خبررساں ادارےکے مطابق شمالی عراق میں داعش کےخلا ف آپریشن کے دوران امریکی میرین اسپیشل فورس کے دو فوجی ہلاک ہوگئے۔ اس سال یہ پہلا موقع ہے جب سن 2014 میں شروع ہونے والی داعش کے خلاف امریکی مہم میں امریکی فوجی لڑائی میں مارے گئے ۔
میڈیارپورٹ کےمطابق داعش کےخلاف اتحاد کاکہناتھاکہ’ شمال وسطی عراق میں داعش کےاہم ٹھکانوں پرداعش کےخاتمےکےلیے کیے گئےآپریشن کے دوران 2 امریکی سروس اراکین دشمن کے ہاتھوں قتل ہوگئے۔
کمبائنڈ جائنٹ ٹاسک فور آپریشن انہیرینٹ ری سولوکی جانب سے جاری بیان میں کہاگیاکہ ‘ہلاک ہونےوالے دونوں امریکی فوجیوں کی ابھی شناخت سامنے نہیں لائی جارہی جب تک ان کے اہلخانہ کو اطلاع نہیں دے دی جاتی، یہ دونوں عراقی سیکیورٹی فورسزکو تجاویز دے رہے تھے اور ان کے ساتھ ساتھ تھے’۔
عراقی حکام کی جانب سے فوری طورپرکوئی رائےسامنے نہیں آئی۔
امریکا کی قیادت میں اتحاد نےعراقی فورسزکی 2014 میں داعش کی جانب سےشمالی عراق اور شام کے بڑے حصے پرقبضےکے بعد سے تربیت اورفضائی تعاون فراہم کیاہے۔
عراقی فوج نےاتحاد کی حمایت میں داعش کوجنگ کے بعد تمام شہری علاقوں سے نکالتے ہوئےدسمبر 2017 میں فتح کااعلان کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News