دنیا بھر میں اب تک کورونا وائرس سے ہونے والی اموات کی تعداد75 ہزار کے قریب پہنچ گئی ہیں۔
تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 74،820 افراد ہلاک جبکہ 13 لاکھ پچاس ہزار کے قریب متاثر ہیں۔
کورونا وائرس کو شکست دے کر صحت یاب ہونے والے مریضوں کی تعداد 2 لاکھ 86 ہزار سے زائد ہے۔
اس مہلک وائرس کے سب سے زیادہ مصدقہ مریض امریکہ میں ہیں جہاں 3 لاکھ 67 ہزار سے زائد افراد متاثر ہیں جبکہ مرنے والوں کی تعداد 11 ہزار کے قریب پہنچ گئی ہے۔
اسپین میں متاثرہ مریضوں کی تعداد1 لاکھ 40 ہزار سے تجاوز کرگئی جبکہ 14 ہزار کے قریب افراد لقمہ اجل بن چکے ہیں۔
اٹلی میں 1 لاکھ 32 ہزار سے زائد افراد متاثر جبکہ 16 ہزار 500 سے زائد افراد ہلاک ہوچکے ہیں۔جرمنی میں متاثرہ مریضوں کی تعداد 1 لاکھ سے زائد جبکہ ہلاکتوں کی تعدا د2 ہزار کے نزدیک ہے۔
فرانس میں مریضوں کی تعداد98 سے زائد ہوگئی ہےجبکہ 9 ہزار کے قریب اموات ہوچکی ہیں۔چین میں متاثرہ مریض 81 ہزار سے زائدجبکہ 3 ہزار 300 سے زائد ہلاکتیں ہوچکی ہیں۔
ایران میں مصدقہ مریضوں کی تعداد 62 ہزار جبکہ اموات کی تعدا 4 ہزار کے قریب پہنچ چکی ہے۔برطانیہ میں 51 ہزار سے زائد مصدقہ مریض جبکہ 5 ہزار 3 سے زائد اموات ہوچکی ہیں۔
برطانوی وزیر اعظم بورس جانسن بھی اس مہلک وائرس کا شکار ہیں اور گذشتہ روز انہیں طبیعت بگڑنے پر انتہائی نگہداشت وارڈ میں منتقل کردیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News