بھارت نے امریکی صدر ڈونلڈ ٹرمپ کی دھمکی کے بعد ملیریا کے علاج میں استعمال ہونے والی دوا کلوروکوین کی برآمد سے پابندی ہٹا لی۔
تفصیلات کے مطابق بھارتی وزارتِ خارجہ کے بیان کے مطابق ہندوستان نے کلوروکوین اور پیراسٹامول سمیت 14 دواؤں کی برآمد پر سے پابندی ہٹاتے ہوئے ان دواؤں کی ’مناسب مقدار‘ ریلیز کرنے کا فیصلہ کیا ہے۔
وزارت کی جانب سے سامنے آنے والے بیان میں کہا گیا ہے کہ بھارت ان دواؤں کو ہمسایہ ممالک کو بھجوانے کے علاوہ ایسے ممالک کو بھی بھجوائے گا جو اس ’عالمی وبا سے بری طرح متاثر ہوئے ہیں۔‘
خیال رہے کہ پیر کے روز امریکی صدر ڈونلڈ ٹرمپ نے کہا تھا کہ اگر انڈیا نے اس دوا کی کھیپ امریکہ نہ بھیجی تو اسے جوابی کارروائی کا سامنا کرنا پڑ سکتا ہے۔
صدر ٹرمپ اس دوا کو کورونا وائرس کے خلاف لڑائی میں ’گیم چینجر‘ قرار دے چکے ہیں۔
خیال رہے کہ متعدد وائرولوجسٹ اور متعدی امراض کے ماہرین نے خبردار کیا ہے کہ کلوروکوین کے حوالے سے پائی جانے والی پرامیدی قبل از وقت ہے اور اس حوالے سے فی الحال ٹھوس تحقیق نہیں کی گئی۔
واضح رہے کہ بھارت نے گزشتہ روز ملیریا کے علاج میں استعمال ہونے والی دوائی ‘ہائیڈرو کلوروکین’ کی برآمد پرپابندی عائد کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News