کورونا کے پھیلاؤ میں مزید تیزی آنے لگی ہے جس کے بعد دنیا بھر میں روزانہ ایک لاکھ تیس ہزارسے زائد کسیزسامنے آنے لگے  ہیں۔
متاثرہ مریضوں کی تعداد 67 لاکھ ستر ہزار سے بڑھ گئی جبکہ اموات چار لاکھ کے قریب پہنچ گئیں، لاطینی امریکا،افریقہ اور مشرق وسطی میں کیسز میں تیزی آگئی ہے۔

گزشتہ ماہ روزانہ ایک لاکھ سے کم کیسز رپورٹ ہو رہے تھے لیکن رواں ماہ روزانہ کیسز کی تعداد ایک لاکھ تیس ہزار سے بڑھ گئی ہے۔

نئے کیسز کا مرکز کیریبین، لاطینی اور جنوبی امریکی ممالک ہیں جبکہ چین، اٹلی، جرمنی اسپین اور فرانس جہاں ابتدا میں کورونا نے انتہائی مہلک وار کیئے تھے اب وہاں کیسز میں کمی آنئے لگی ہے۔

امریکا میں مزید  465  افراد جان سے گئے ، کل ہلاکتیں ایک لاکھ دس ہزار سے بڑھ گئیں، متاثرین 19 لاکھ چونتیس سے تجاوز کر گئے۔

برطانیہ میں ایک بار پھر اموات میں تیزی آگئی جس میں مزید تین سو ستاون اموات  ہوگئی جبکہ  کل ہلاکتیں  40 ہزار سے اوپر چلی گئی  اور مریضوں کی تعداد دولاکھ 83 ہزار سےبڑھ گئی۔

اٹلی میں مرنے والوں کی تعداد 33 ہزارچھ سو سے بڑھ گئی ، اسپین میں  اموات ستائیس ہزارایک سو تینتیس سے بڑھ گئیں، مریضوں کی تعداد دو لاکھ 87 ہزار سے بڑھ گئی۔

 جنوبی امریکی ممالک کورونا کا نیا مرکز بن گئے برازیل میں مریضوں کی تعداد چھ لاکھ کا ہندسہ عبور کر گئی ، مزید ایک سو تہتر جان کی بازی ہار گئے کل ہلاکتیں 34 ہزارسے بڑھ گئیں ۔

میکسیکو میں اموات میں تیزی ، ایک ہی دن میں آٹھ سو سولہ جان سے گئے ، کل اموات بارہ ہزار پانچ سو سے تجاوز کر گئیں۔

بھارت میں بھی اموات میں تیزی، مزید دو سو چھیاسی ہلاکتیں، کل اموات چھ ہزار چھ سو سے اوپر چلی گئیں۔