سری نگر: مقبوضہ کشمیر میں بھارتی فوجیوں نے گذشتہ ماہ اکتوبر میں 14 کشمیریوں کو شہید کردیا ہے۔
غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی جاری کارروائیوں کے دوران گزشتہ ماہ اکتوبرمیں 14 کشمیریوں کو شہید کردیا ہے۔
کشمیر میڈیا سروس کے ریسرچ سیکشن کی طرف سے جاری کیے گئے اعداد و شمار کے مطابق ان میں سے 6 کشمیریوں کوقابض فوجیوں نے جعلی مقابلوں اور حراست کے دوران شہید کیا ہے۔
یہ بھی پڑھیں: مقبوضہ کشمیر؛ ایک نوجوان شہید، دو گرفتار
ان شہادتوں کے نتیجے میں 2 خواتین بیوہ اور 7 بچے یتیم ہوئے ہیں۔
اس عرصے کے دوران بھارتی پولیس، پیرا ملٹری اور بدنام زمانہ تحقیقاتی ادارے این آئی کے اہلکاروں کی طرف سے مختلف علاقوں سے 47 کشمیریوں کو گرفتار کیا گیا ہے۔
جب کہ محاصرے، تلاشی اور گھروں پر چھاپوں کی 195 کارروائیوں کے دوران ایک مکان کو تباہ کردیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News