سعودی عرب میں دنیا کے مختلف ممالک سے مسجد الحرام اور مسجد نبوی ﷺ کی زیارت کے لیے آنے والے 100 نومسلموں کے اعزاز میں استقبالیہ دیا۔
غیر ملکی خبر رساں ادارے کے مطابق حرمین شریفین انتظامیہ کے ماتحت تعلقات عامہ کے ادارے نے دنیا کے مختلف ممالک سے مسجد الحرام اور مسجد نبوی ﷺ کی زیارت کے لیے آنے والے 100 نومسلموں کے اعزاز میں استقبالیہ دیا۔
الرئاسة تستقبل (100) شخص من المسلمين الجدد لأداء العمرة.https://t.co/ubqgrXvtjU#رئاسة_شؤون_الحرمين pic.twitter.com/roqQTPs5Rf
— رئاسة شؤون الحرمين (@ReasahAlharmain) December 27, 2022
حرمین شریفین انتظامیہ کے ادارے نے عبدالقادر المھیدب فاؤنڈیشن کے تعاون سے 30 ممالک کے نومسلموں کے لیے عمرہ پروگرام کا اہتمام کیا۔
عمرہ پروگرام کے تحت نومسلموں کو دین اسلام سے متعارف کرانا اور انہیں عمرہ کے طریقہ کار اور اس کے احکام سے روشناس کرانا بھی ہے۔
اس مقصد کے لیے حرمین شریفین انتظامیہ نے نومسلموں کو فقہی احکام سکھانے کے لیے اسپیشل لیکچر کا اہتمام کیا جب کہ شیخ محمد عبدالرحمن نے اس موضوع پر لیکچر دیا۔
انتظامیہ نے نومسلموں کو مسجد الحرام کی مختلف عمارتوں سے متعارف کرانے کے لیے معلمین بھی فراہم کیے جب کہ غلاف کعبہ کنگ عبدالعزیز کمپلیکس کا بھی دورہ کرایا۔
یہ بھی پڑھیں: سعودی عرب میں پاکستانی ڈرائیور اور فلپائنی نومسلم لڑکی رشتہ ازدواج میں منسلک
یاد رہے کہ عمرہ پروگرام میں شامل نومسلموں نے مدینہ منورہ میں مسجد نبوی ﷺ کی زیارت کی اور اس کی لائبریری سے بھی استفادہ کیا۔
اس موقع پر امام مسجد نبوی ﷺ سے ملاقات کرائی گئی جب کہ نومسلموں کے مختلف سوالات کے جواب بھی دیے گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News