سری نگر: مقبوضہ کشمیر میں مودی کی فسطائی حکومت کی جانب سے کشمیریوں کی جبری بے دخلی کے خلاف مکمل ہڑتال جاری ہے۔
کشمیر میڈیا سروس کی رپورٹ کے مطابق بھارت کے غیر قانونی زیر قبضہ جموں و کشمیر میں مودی کی فسطائی بھارتی حکومت کی جانب سے کشمیریوں کو ان کی زمینوں اور جائیدادوں سے بے دخل کرنے اور غیرکشمیری ہندوئوں کو آباد کرنے کی ہندوتوا پالیسیوں کے خلاف آج مکمل ہڑتال کی جاری ہے۔
رپورٹ کے مطابق ہڑتال کی کال کل جماعتی حریت کانفرنس نے دی ہے جس کی تمام حریت رہنماؤں اور تنظیموں نے حمایت کی ہے۔
یہ بھی پڑھیں: مقبوضہ کشمیر میں آزادی کے متوالوں کی جائیدادیں سیل اور مسمار کرنے کی مہم تیز
کل جماعتی حریت کانفرنس کی قیادت نے بھارت کو خبردارکیا ہے کہ وہ علاقے میں آبادی کا تناسب تبدیل کرنے سے باز رہیں۔
غیر قانونی طور پر نظر بند کل جماعتی حریت کانفرنس کے چیئرمین مسرت عالم بٹ اور سینئر رہنماء شبیر احمد شاہ نے نئی دہلی کی تہاڑ جیل سے جاری اپنے پیغامات میں کشمیریوں سے ہڑتال کی کال کو کامیاب بنانے کی اپیل کی ہے۔
انہوں نے عالمی برادری پر زور دیا کہ وہ بھارت کو مقبوضہ علاقے میں مظلوم کشمیریوں کی منظم نسل کشی روکنے پر مجبور کرے۔
یہ بھی پڑھیں: بھارت کے یوم جمہوریہ پر مقبوضہ کشمیر میں یوم سیاہ
شبیر احمد شاہ نے افسوس کا اظہار کیا کہ مودی حکومت کشمیریوں کو ان کے آباؤ اجداد سے وراثت میں ملنے والی زمینوں اور جائیدادوں سے محروم کرکے ان سے روزی روٹی چھیننے پر تلی ہوئی ہے۔
انہوں نے لوگوں پر زور دیا کہ وہ قابض حکومت کے مذموم عزائم کو ناکام بنانے کے لیے باہر نکلیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News