یوکرین جنگ پرروس کے خلاف اقوام متحدہ میں مذمتی قرارداد منظور کرلی گئی۔
بین الاقوامی خبر رساں ادارے کی رپورٹ کے مطابق اقوام متحدہ کی جنرل اسمبلی میں پیش کی جانے والی قرارداد میں 141 نے حق میں جبکہ 7 نے مخالف ووٹ کاسٹ کیا۔
پاکستان ، چین، روس ، ایران اور بھارت سمیت ان 32 رکن ممالک میں شامل ہے جنہوں نے یوکرین میں منصفانہ اور دیرپا امن کے تحت اقوام متحدہ کے چارٹر کے اصولوں سے متعلق قرارداد پر آج جنرل اسمبلی میں ووٹنگ کی حمایت یا مخالفت میں حصہ نہیں لیا۔
یہ بھی پڑھیں: اقوام متحدہ کی ذیلی کمیٹی کی سویڈن میں قران پاک کی بے حرمتی پر مذمت
اقوام متحدہ میں پاکستان کے مستقل مندوب منیر اکرم نے کہا کہ قرارداد میں کچھ شقیں پاکستانی موقف سے مطابقت نہیں رکھتیں۔
ریاستوں کی خودمختاری، خودمختار مساوات اور علاقائی سالمیت کے اصول کے احترام اور دھمکی یا طاقت کے استعمال سے علاقے کو حاصل نہ کرنے کے مطالبے کی مکمل حمایت کرتے ہوئے انہوں نےکہا ’ طاقت کے استعمال سے ریاستوں کو توڑا نہیں جا سکتا‘۔
منیر اکرم نے کہا کہ ایک ایسے ملک کے طور پر جس نے اپنے پڑوس میں طویل تنازعات کے نتائج کو دیکھا اور بھگتا ہے، ہم براہ راست یا بالواسطہ مذاکرات، ثالثی یا ثالثی کے ذریعے ایک منصفانہ اور پائیدار حل کے حصول کے لیے دشمنی کے فوری خاتمے اور مذاکرات کی بحالی کو سب سے زیادہ ترجیح دیتے ہیں۔
یہ بھی پڑھیں: روس اور یوکرین نے جنگی قیدیوں پر تشدد کیا، اقوام متحدہ
انہوں نے اقوام متحدہ کے سیکریٹری جنرل کو کہا کہ وہ کشیدگی کو کم کرنے، نئے سرے سے مذاکرات اور پرامن سفارتی حل کے لیے پائیدار مذاکرات کے لیے اپنا کردار ادا کریں۔
منیر اکرم کا کہنا تھا کہ پاکستان امید کرتا ہے کہ تعمیری انداز میں فریقین جلد ہی باہمی رضامندی سے جنگ بندی کرلیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News