بھارتی حکومت کی جانب سے خالصتان کے حامی امرت پال سنگھ کی گرفتاری کےلیے ریاست پنجاب میں انٹرنیٹ آج چوتھے روز بھی بند ہے۔
بھارتی میڈیا کی رپورٹ کے مطابق انٹرنیٹ کی بندش کے باعث 27 ملین آبادی والی ریاست اپنے بنیادی حق سے محروم ہے اور لوگوں کو رابطوں میں شدید مشکلات کا سامنا ہے۔
گزشتہ دنوں یہ اطلاعات سامنے آئی تھیں کہ امرت پال سنگھ کو گرفتار کرلیا گیا ہے۔
بھارتی حکومت نے ممکنہ ہنگاموں اور احتجاج کو روکنے کے لیے کئی شہروں میں انٹرنیٹ سروس معطل کردی تھی جس میں اب توسیع کردی گئی ہے۔
امریکی تنظیم ایکسس ناؤ کی رپورٹ کی رپورٹ کے مطابق بھارت میں اب انٹرنیٹ کی بندش معمول بنتی جارہی ہے۔
2022 میں بھارت میں 84 مرتبہ انٹرنیٹ بند کیا گیا جس کے نتیجے میں انٹرنیٹ پر پابندی والے ممالک کی فہرست میں بھارت مسلسل پانچویں سال بھی سرفہرست رہا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News