کویت نے توہین قرآن پر سویڈن کو جواب دینے کے لیے قرآن کریم کی سوئیڈش زبان میں 1 لاکھ کاپیاں تقسیم کرنے کا اعلان کیا ہے۔

غیر ملکی خبر رساں ادارے کی رپورٹ کے مطابق کویت نے سوئیڈش زبان میں قرآن کریم کا ترجمہ شائع کرنے کا اعلان کیا ہے۔

ترجمہ قرآن کے ایک لاکھ نسخے شائع کیے جائیں گے جب کہ تمام نسخے سویڈن میں تقسیم کیے جائیں گے۔

رپورٹ کے مطابق صحیح اسلامی عقیدے کی رواداری کو فروغ دینے کے لیے سویڈن کے اندر سویڈش زبان میں نوبل قرآن کے 1 لاکھ نسخے چھاپے اور تقسیم کیے جائیں۔

یہ اقدام کویت کے وزیراعظم شیخ احمد نواف الاحمد الصباح کی ہدایت پر کیا جائے گا جب کہ کویت کے وزارت خارجہ کے ساتھ مل کر یہ کاپیاں مملکت سویڈن میں تقسیم کیے جائیں گے۔

اس حوالے سے کویت کا کہنا ہے کہ یہ کاپیاں اسلامی اصولوں، اقدار کو پھیلانے اور تمام افراد کے درمیان مثبت بقائے باہمی کو فروغ دینے کے مقصد سے تقسیم کی جائیں گی۔ محبت، رواداری اور امن کو فروغ دینے پر زور دیا جائے گا۔

واضح رہے کہ سوئیڈن میں پناہ گزین 37 سالہ عراقی نژاد ملعون شخص سلوان مومیکا نے 28 جون کو اسٹاک ہوم میں ایک مسجد کے باہر قرآن پاک نذر آتش کرنے کی مذموم کوشش کی تھی۔

اس واقعہ کے بعد دنیا بھر میں موجود مسلمانوں کی جانب سے شدید غصے کا اظہار کیا گیا جب کہ پاکستان سمیت کئی ممالک میں شدید احتجاج بھی ریکارڈ کیا گیا۔