قطر نے اسرائیل اور حماس کے درمیان ثالثی کی پیشکش کرتے ہوئے دونوں فریقین کے درمیان قیدیوں کے تبادلے کی تجویز پیش کردی۔

غیر ملکی خبر رساں ادارے کی رپورٹ کے مطابق قطر نے اسرائیل اور حماس کے درمیان قیدیوں کے تبادلے کی تجویز پیش کی ہے۔

رپورٹ کے مطابق قطر کی تجویز کا مقصد تمام فلسطینی خواتین کو رہا کرنے کے بدلے میں حماس کی طرف سے قید بزرگ خواتین کو رہا کرنا ہے۔

رپورٹ میں کہا گیا ہے کہ حماس نے قطر کی تجویز کو اس شرط کے تحت منظور کیا ہے کہ تمام فلسطینی خواتین قیدیوں کو اسرائیلی جیلوں سے رہا کیا جائے تاہم اسرائیل ابھی تک اس تجویز پر غور کررہا ہے اور آئندہ چند گھنٹوں میں اسرائیل کی جانب سے ردعمل کا امکان ہے۔

قطر کے حماس اور اسرائیل کے ساتھ اچھے تعلقات ہیں اور امید کی جارہی ہے قطر اپنے مقصد میں کامیاب ہوجائے گا۔

خیال رہے کہ ہفتے کی صبح حماس نے اچانک اسرائیل پر کارروائی کا آغاز کرتے ہوئے 5 ہزار سے زائد راکٹ فائر کیے تھے جس کے نتیجے میں سیکڑوں اسرائیلی ہلاک اور ہزاروں زخمی ہوگئے۔

دوسری جانب اسرائیل نے غزہ کی بجلی، کھانا اور ایندھن کی سپلائی روکنے کا حکم دیتے ہوئے غزہ کی مکمل ناکہ بندی کا بھی حکم دیا ہے۔

اسرائیل کے وزیر دفاع یوو گیلنٹ نے ایک بیان میں کہا کہ غزہ کو بجلی فراہم کرنے والی کمپنی کو فوری طور پر بجلی کاٹنے کے احکامات جاری کردیے ہیں۔

اسرائیلی وزیر دفاع کی جانب سے غزہ کے لیے کھانے پینے کی اشیاء اور ایندھن کی سپلائی روکنے کے احکامات بھی جاری کیے گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں