سابق امریکی صدر ڈونلڈ ٹرمپ نے الیکشن کمپین میں تہلکہ خیز انکشاف کردیا۔
تفصیلات کے مطابق ڈونلڈ ٹرمپ نے 2 نومبر کو ٹیکساس میں اپنی صدارتی مہم کی ریلی کے دوران ایرانی پاسداران انقلاب فورس کے جنرل قاسم سلیمانی کو قتل کرنے کا بتاتے ہوئے ہوش ربا انکشاف کر دیا۔
ڈونلڈ ٹرمپ نے کہا کہ چیئرمین پی ٹی آئی نے قاسم سلیمانی کے مرنے پر خوشی کا اظہار کیا اور انہیں بتایا کہ جب میں نے قاسم سلیمانی کی موت کا سنا تو یہ میری زندگی کا سب سے بڑا لمحہ تھا۔
ڈونلڈ ٹرمپ کے مطابق چیئرمین پی ٹی آئی نے جب سنا کہ قاسم سلیمانی کو قتل کردیا گیا ہے تو وہ آفس سے نکلے اور گھر چلے گئے جہاں وہ ایک ہفتے تک خلوت میں رہے۔
سابق امریکی صدر نے مزید بتایا کہ چیئرمین پی ٹی آئی نے ان سے کہا کہ یہ میری زندگی میں پیش آنے والا سب سے بڑا واقعہ تھا۔
اب سوال یہ پیدا ہوتا ہے کے بظاہر امریکا کی غلامی سے نجات حاصل کرنے والا شخص امریکی صدر ٹرمپ کے ساتھ جنرل قاسم سلیمانی کے قتل پر خوشیاں منا تا رہا۔
اپنے مذموم سیاسی مقاصد کے حصول کے لیے ایک طرف امریکا نوازی اور دوسری طرف عوام کو بہکانے کے لیے اسی امریکا سے حقیقی آزادی کا سیاسی نعرہ لگایا گیا۔
واضح رہے کہ 3 جنوری 2020 کو عراق کے دارالحکومت بغداد میں ایئرپورٹ کے نزدیک امریکی فضائی حملے میں پاسداران انقلاب کی قدس فورس کے سربراہ میجر جنرل قاسم سلیمانی جاں بحق ہوگئے تھے۔
قاسم سلیمانی کے ہلاکت کے بعد ایران کے سپریم لیڈر آیت اللہ خامنہ ای نے امریکا سے شدید انتقام لینے کا اعلان کرتے ہوئے قاسم سلیمانی کو مزاحمت کا عالمی چہرہ قرار دیا تھا اور ملک میں 3روزہ سوگ کا اعلان کیا تھا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News