ارجنٹینا کے نئے صدر جیویر میلائی نے برکس تنظیم کا حصہ بننے سے انکار کردیا۔
غیر ملکی خبر رساں ادارے کے مطابق ارجنٹینا کے نئے صدر جیویر میلائی نے برکس تنظیم کا حصہ بننے کی پیشکش کو ٹھکرا دیا ہے۔
رپورٹ کے مطابق ارجنٹینا کے صدر کا کہنا ہے کہ روس اور چین کے برعکس امریکہ کا اتحادی بننا چاہتے ہیں۔
ارجنٹینا کے صدر نے برازیل، روس، بھارت، چین اور جنوبی افریقہ کے رہنماؤں کو بتایا کہ بلاک میں ارجنٹینا کی رکنیت کا وقت مناسب نہیں ہے۔
انہوں نے ممالک کو لکھے گئے خط میں کہا ’’پچھلی حکومت کی جانب سے کیے گئے فیصلے کو واپس لے لیا گیا ہے‘‘۔
انہوں نے لکھا ’’ہماری خارجہ پالیسی پچھلی حکومت کی پالیسیوں سے کئی پہلوؤں پر مختلف ہے، لہذا ہم پچھلی حکومت کے فیصلوں کا جائزہ لے رہے ہیں‘‘۔
خیال رہے کہ ارجنٹینا کے نئے صدر جیویر میلائی نے رواں ماہ روایتی سیاسی جماعت کو عبرتناک شکست دے کر اقتدار سنبھالا ہے۔
اپنی انتخابی مہم کے دوران بھی جیویر میلائی نے برکس میں شامل نہ ہونے کا اعلان کیا تھا جب کہ انہوں نے امریکہ اور اسرائیل کی بھی حمایت کا اعلان کیا تھا۔
یاد رہے کہ برکس نے رواں سال چھ نئے ممالک کی شمولیت کا اعلان کیا تھا جن میں ارجنٹینا کے ساتھ ایتھوپیا، ایران، سعودی عرب اور متحدہ عرب امارات شامل تھے۔ تاہم ان ممالک کو یکم جنوری 2024 سے باقاعدہ طور پر برکس کا حصہ ہونا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News