دنیا کے ہر ماں باپ اپنے بچوں کو ذہین دیکھنا چاہتے ہیں جس کے لیے وہ ہمیشہ کوششیں کرتے رہتے ہیں۔ بچوں کی ذہانت سے متعلق تمام امور میں والدین اپنی تمام وسائل بروئے کار لاتے ہیں۔

والدین کے لیے اب ایک نئی تحقیق سامنے آئی ہے جس میں سامنے آیا ہے کہ کہ بچوں کے دماغ کو ذہین کس طرح بنایا جاسکتا ہے۔

جنوبی امریکا کے ملک چلی کے نیورو سائنسدان نے اپنی تحقیق میں بتایا ہے کہ اگر بچوں کو بچپن میں ہی کوئی موسیقی کا آلہ بجانا سکھایا جائے تو نہ صرف وہ انہیں زندگی بھر کے لئے یاد ہوجاتا ہے بلکہ دیگر امور میں بھی ان کی توجہ بہتر ہوجاتی ہے۔

تحقیق کاروں  نے موسیقی سے تربیت یافتہ بچوں پر ٹیسٹ کئے جس میں انہوں نے یہ نتیجہ نکالا کہ ان کے بچوں کی سننے اور توجہ دینے کی صلاحیت دیگر بچوں کی نسبتاً زیادہ ہے۔

تحقیق کاروں کی جانب سےتجویز پیش کی گئی ہے کہ وہ بچے جو موسیقی کا کوئی آلہ سیکھتے ہیں ان کی پڑھنے کی صلاحیت بہت بہتر ہوتی ہے، اس کے علاوہ ان میں تخلیقی سوچ بیدار ہوتی ہے اور وہ خوشگوار زندگی گزارتے ہیں۔