لاڑکانہ میں چھ سے زائد کتو ں کے حملے سے زخمی ہونے والا ننھا حسنین انتقال کر گیا ہے۔
تفصیلات کے مطابق چھ سالہ حسنین کو کراچی کے نجی ہسپتال میں داخل کیا گیا تھا جو ستا ئیس روز سے زیر علا ج تھا مگر زخمو ں کی تا ب نہ لا تے ہوئے زندگی کی بازی ہا ر گیا۔
ذرائع کے مطابق بچے کی میت والدین لاڑکانہ لے گئے، این آئی سی ایچ میں حسنین کی مختلف سرجریز کی گئیں۔
وزیرِ اعلیٰ سندھ مراد علی شاہ نے لاڑکانہ کے 6 سالہ حسنین کے انتقال پر اظہارِ افسوس کرتے ہوئے کہا ہے کہ ہم نے ہر طرح سے کوشش کی کہ بچے کی جان بچائی جائے، اللّٰہ پاک اس کے والدین کو صبر عطا فرمائے۔
واضح رہے کہ گزشتہ ماہ پیپلز پارٹی کے آبائی شہر لاڑکانہ میں سگ گزیدگی کا افسوسناک واقعہ پیش آیا تھا جب چھ سالہ حسنین پر کئی آوارہ کتوں نے حملہ کیا اور اس کے چہرے کو بھنبھوڑ ڈالا اس ہولناک واقعےکے بعد ننھے حسنین کو کراچی کے اسپتال این آئی سی ایچ میں علا ج کےلئے داخل کیا گیا جوکہ 27 روز سے زیرِ علاج تھا۔
حسنین کے علا ج کےلئےمحکمہ صحت نے دس رکنی میڈیکل بورڈ تشکیل دیا تھاجو با قاعدگی سے بچے کا وقفے وقفے سے معائنہ کر رہا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News