بھارت کے دبنگ اداکار سلمان خان سے متعلق انتہائی افسوسناک خبر

ویب ڈیسک

15th Apr, 2024. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کے دبنگ اداکار سلمان خان سے متعلق انتہائی افسوسناک خبر

بھارت کے معروف اداکار سلمان خان سے متعلق انتہائی افسوسناک خبر آگئی ہے۔

بھارتی میڈیا کے مطابق بالی ووڈ کے معروف اداکار سلمان خان کے گھر پر 2 نامعلوم افراد فائرنگ کرکے فرار ہو گئے۔

یہ واقعہ ممبئی کے علاقے باندرہ میں سلمان خان کی رہائش گاہ گلیکسی اپارٹمنٹ کے باہر صبح 5 بجے پیش آیا۔

واقعے کی اطلاع ملتے ہی ممبئی پولیس کی کرائم برانچ جائے وقوعہ پہنچ گئی، فورنزک ٹیم نے جائے وقوعہ پہنچ کر شواہد اکٹھے کر کے دیوار پر موجود گولی کے نشان کا جائزہ لیا۔

اس کے علاوہ پولیس نے سی سی ٹی وی فوٹیجز کا معائنہ کیا جن کی مدد سے مجرموں کی گرفتاری کی کوشش کی جا رہی ہے۔

پولیس حکام کا کہنا ہے کہ موٹر سائیکل سوار 2 مسلح افراد نے تین راؤنڈز فائرنگ کیے، واقعے کے بعد سلمان خان کے گھر کے باہر سکیورٹی بڑھا دی گئی ہے۔

تاہم اب تک یہ واضح نہیں ہو سکا کہ فائرنگ کے وقت اداکار اور ان کے والدین گھر میں موجود تھے یا نہیں۔