کورونا وائرس انسانیت کی جنگ ہے،اس میں ہر فرد کو حصہ ڈالنا ہو گا۔

بول ٹی وی سے خصوصی طور پر بات چیت کرتے ہو ئے نامور مذہبی اسکالر مفتی زبیر نے کہا کہ کورونا سے مر نے والا شخص شہید ہے،وبا کے اندر جو کلمہ گو مر جاتے ہیں وہ شہید ہوتے ہی۔

مفتی زبیر نے مزید کہا کہ مردے کا احترام ہر حال میں ضروری ہے،جنازے کے دیدار کو ایشو بنا نا غلط ہے۔

 علامہ شہنشاہ نقوی نے کہا کہ نماز جنازہ واجب کفائی پڑھا سکتاہے،نماز جنازہ کو محدود کرنے کے حکم میں کوئی برائی نہیں۔اپنے علاقوں میں سفید پوش افراد کو تلاش کریں کیونکہ سفید پوش مانگتا ہوا نظر نہیں آۓ گا۔

واضح رہے کہ ملک کے جید علمائے کرام نے فتویٰ دیا ہے کہ وبا سے احتیاطی تدابیر کو اپنانا نبیﷺ کی سنّت ہے اور توبہ استغفار کے بغیر کورونا وائرس سے چھٹکارا ممکن نہیں۔

 کورونا وائرس سے انتقال کرنے والوں کو پلاسٹک کور میں بند کرکے تابوت میں دفن کیا جائے،  جب کہ قریبی رشتہ داروں کو میت تابوت کے گلاس پین ونڈو میں دیکھنے کی اجازت ہوگی۔