سونے کی قیمتوں میں ایک بار پھرکمی واقع ہوئی ہے، سونا 600 روپے سستا ہوگیا۔
تفصیلات کے مطابق مقامی اور بین الاقوامی مارکیٹوں میں سونے کی قیمت میں مزید کمی ہوگئی، فی تولہ سونا 87 ہزار 400 روپے اور فی اونس 1492 ڈالر کا ہوگیا۔
کراچی صراف اینڈ جیولرز ایسوسی ایشن کے مطابق آج (بدھ کو) مقامی مارکیٹ میں فی تولہ سونا 600 روپے کمی کے بعد 87 ہزار 400 روپے اور 10 گرام سونا 515 روپے سستا ہوکر 74 ہزار 931 روپے کا ہوگیا۔
کے ایس جے اے کے مطابق عالمی مارکیٹ میں سونا 15 ڈالر سستا ہوگیا، جس کے بعد فی اونس نرخ 1505 ڈالر ہوگئے، چند روز کے دوران انٹرنیشنل مارکیٹ میں سونے کی قیمت 51 ڈالر کم ہوچکی ہے۔
چاندی فی تولہ 10 روپے اور اور 10 گرام کی قیمت میں 850 روپے کی کمی کے بعد بالترتیب 1090 اور 934 روپے 50 پیسے کی سطح پر آگیا۔
دوسری جانب انٹر بینک میں رواں ہفتے کے پہلے کاروباری روز ڈالر میں 8 پیسے کی کمی دیکھی گئی، ملک بھر میں جس کے بعد امریکی کرنسی 156.30 روپے کی سطح پر بند ہوئی۔
عالمی گولڈ مارکیٹ میں سونا 37 ڈالرز کی نمایاں کمی سے 1505 ڈالرز فی اونس ہوگیا۔ جبکہ ملک میں سونے کی فی تولہ قیمت 1 ہزار روپے کمی کے بعد 88 ہزار روپے ہوگئی تھی۔
آل صرافہ جیولرز ایسو سی ایشن کے مطابق سونے کی فی تولہ قیمت ایک ہزار روپے کمی کے بعد 88 ہزار روپے ہوگئی تھی۔
علاوہ ازیں، انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News