وفاقی حکومت نے بجلی کی قیمت میں ایک بار پھر 53 پیسے فی یونٹ اضافہ کردیا ہے۔
تفصیلات کے مطابق پاورڈویژن نے بجلی کی قیمت میں 53پیسے فی یونٹ اضافہ کا نوٹیفیکیشن جاری کردیا ہے، بجلی کی قیمت میں اضافہ کا اطلاق یکم اکتوبرسے ہوگا۔
نوٹیفکیشن کے مطابق بجلی کی قیمت ایک سال کے لیے بڑھائی گئی ہے اور یہ اضافہ تقسیم کار کمپنیوں کو دی جانیوالی سابقہ ایڈجسٹمنٹس کی مد میں کیا گیا ہے، اضافہ کی رقم تقریبا 53ارب روپے ہے جو صارفین پر منتقل کی گئی ہے۔
نیپرا نے گزشتہ مالی سال کی دو سہ ماہیوں اور سالانہ ایڈجسٹمنٹ کی مد میں کیا گیا ہے، بجلی کی قیمت میں اضافہ کے الیکڑک صارفین پر لاگو نہیں ہوگا،
نوٹیفکیشن کے مطابق لائف لائن صارفین اور ماہانہ 300یونٹ تک بجلی استعمال کرنے والے گھریلو صارفین کیلئے بجلی کی قیمت نہیں بڑھائی گئی، ماہانہ 300یونٹ سے زیادہ بجلی استعمال کرنے والے صارفین کیلئے بجلی 53پیسے فی یونٹ مہنگی کی گئی ہے۔
واضح رہے کہ اس سے قبل سنٹرل پاور پرچیزنگ ایجنسی نے بجلی کی قیمت میں ایک روپے چھیاسی پیسے اضافہ تجویز کر دیا تھا۔
سینٹرل پاورپرچیزنگ ایجنسی نے نیشنل الیکٹرک پاور ریگولیٹری اتھارٹی (نیپرا) میں بجلی کے قیمت میں اضافے کی درخواست جمع کرا ئی تھی ، جس میں بجلی ایک روپے 86 پیسے فی یونٹ مہنگی کرنے کی سفارش کی گئی تھی۔
سی پی پی اے نے کہا تھا کہ اگست میں پانی سے 40.33 فیصد اور کوئلے سے 13.34 فیصد بجلی پیدا کی گئی، مقامی گیس سے 11.87 فیصد اور درآمدی ایل این جی سے 22.89 فیصد جبکہ فرنس آئل سے 3.60 فیصد اور ایٹمی ذرائع سے 4.66 فیصد بجلی پیدا کی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News