اے ڈی بی نے ایک ارب 30 کروڑ ڈالر قرض کی منظوری دے دی
ایشیائی ترقیاتی بینک (اے ڈی بی) نے پاکستان کے لیے ایک ارب 30 کروڑ ڈالر قرض کی منظوری دے دی۔
تفصیلات کے مطابق ایشیائی ترقیاتی بینک کی جانب سے جاری اعلامیے کے مطابق پاکستان کے لیے قرض کی منظوری بورڈ آف ڈائریکٹرز کی جانب سے دی گئی، پاکستان کو خصوصی پالیسی کی بنیاد پر قرض کی رقم فوری طور پر ادا کی جائے گی۔
اعلامیے میں کہا گیا ہے کہ 2018 کے وسط سے پیدا ہونے والی مالی خرابیوں کو استحکام دینے کے لیے قرض جاری کر رہے ہیں۔ایشیائی ترقیاتی بینک نے پاکستان کیلئے 25 لاکھ ڈالر کی تکنیکی گرانٹ منظور کرلی-
اے ڈی بی کے جاری اعلامیے میں کہا گیا ہے کہ پالیسی بیس قرض آئی ایم ایف کی سربراہی میں ملٹی ڈونر ریفارم پروگرام کا حصہ ہے اور پاکستان کو ایک ارب ڈالر فنانسنگ ضرورت اور سست معیشت کی بحالی کے لیے دیا گیا ہے جب کہ 30 کروڑ ڈالر توانائی کے شعبے میں گردشی قرضے کی ادائیگی کے لیے ہوں گے۔
اے ڈی بی نے پاکستان میں معاشی استحکام کے لیے سپورٹ جاری رکھنے کے عزم کا اظہار ہے۔
واضح رہے کہ اس سے قبل پاکستان کواے ڈی بی سے 50 کروڑ ڈالر موصول ہوگئے ہیں ۔
اسٹیٹ بینک آف پاکستان کے مطابق ایک ہفتے میں مرکزی بینک کے زخائر میں 53 کروڑ 50 لاکھ ڈالر اضافہ ہوا ہے جس سے بینک کے زخائر بڑھ کر 8 ارب 26 کروڑ ڈالر سے تجاوز کرگئے ہیں۔
کمرشل بینکوں کے پاس 7 ارب 31 کروڑ ڈالر کے زخائر موجود ہیں ۔
مجموعی طور پر ملکی زرمبادلہ کے زخائر 15 ارب 57 کروڑ ڈالر سے بھی تجاوز کرگئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News