رواں ماہ میں دو مرتبہ اضافے کے بعد پیٹرولیم مصنوعات کی قیمتوں میں اب مزید اضافہ متوقع ہے۔
ذرائع کے مطابق حکومت نے عوام پر پیٹرولیم مصنوعات کاایک اوراضافی بوجھ ڈالنےکی تیاری کرلی ہے۔
پیٹرولیم ڈویژن نے پیٹرول اور ڈیزل پراوایم سی اورڈیلرمارجن بڑھانےکی سمری غور کے لیے ای سی سی کو بھجوا دی ہے۔
دستاویز میں پیٹرول پراوایم سی مارجن میں 45 پیسےفی لیٹر جبکہ ڈیلرزمارجن میں 58 پیسے فی لیٹر اضافےکی تجویز دی گئی ہے۔
ہائی اسپیڈڈیزل پراوایم سی مارجن میں 45پیسےفی لیٹر جبکہ ڈیلرزمارجن میں 50 پیسے فی لیٹر بڑھانےکی تجویز دی گئی ہے۔
پیٹرول پر تجویز کردہ اضافے کے بعد اوایم سی مارجن2روپے 81پیسےسے3 روپے 26پیسے فی لیٹر جبکہ ڈیلرزمارجن 3روپے 70پیسےسے 4روپے28پیسےفی لیٹر ہوجائے گا ۔
ہائی اسپیڈڈیزل پر تجویز کردہ اضافے کے بعد اوایم سی مارجن 2روپے 81 پیسے سے 3 روپے 26 پیسے فی لیٹر جبکہ ڈیلرزمارجن 3روپے 12پیسےسے 3روپے 62پیسے ہوجائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News