گورنر اسٹیٹ بینک ڈاکٹر رضا باقر کی جانب سے نئی مانیٹری پالیسی کا اعلان کرتے ہوئے شرح سود 7 فیصد پر برقرار رکھنے کا فیصلہ کیا گیا ہے۔

تفصیلات کے مطابق مانیٹری پالیسی کمیٹی کے اجلاس کے بعد پریس کانفرنس کرتے ہوئے مانیٹری پالیسی کا اعلان کیا ہے جس میں شرح سود 7 فیصد پر برقرار رکھا گیا ہے۔

#MonetaryPolicy Committee decides to maintain the policy rate at 7 percent. For complete statement: https://t.co/MM53TMWkr5 pic.twitter.com/u0SeRCyZHt

— SBP (@StateBank_Pak) January 22, 2021

ڈاکٹر رضا باقر نے بتایا ہے کہ مانیٹری پالیسی کمیٹی کی جانب سے فیصلہ کیا گیا ہے کہ اگلے 2 ماہ تک شرح سود یہی رہیگی تاہم کمیٹی نے معاشی اعدادوشمار کے بعد شرح سود کو برقرار رکھنے کا فیصلہ کیا ہے۔

ان کا کہنا تھا کہ  رواں مالی سال مہنگائی کی شرح 8 سے 9 فیصد رہنے کی امید ہے۔

ان کا مزید کہنا تھا کہ پچھلے مالی سال کرنٹ اکاؤنٹ خسارہ 19ارب ڈالر رہا کرتا تھا آج کرنٹ اکاؤنٹ خسارہ سے تبدیل ہوکر سرپلس ہے۔

انہوں نے بتایا کہ اب ایکسچینج ریٹ مستحکم دیکھائی دے رہا ہے اور ڈالر کی قیمت میں اب استحکام ہے تاہم آئندہ بیلنس آف پیمنٹ کیلئے زرمبادلہ کو نہیں چھیڑا جائیگا۔