وزارت توانائی نے پیٹرول اور ڈیزل کی قلت سے متعلق خبریں بے بنیاد اور حقائق سے منافی قرار دے دی ہیں۔
منگل کو وزارت توانائی کے ترجمان کا بیان سامنے آیا ہے جس میں انہوں نے پیٹرول اور ڈیزل کی قلت سے متعلق خبروں کو بے بنیاد اور حقائق سے منافی قرار دیا ہے۔
اپنے بیان میں وزارت توانائی کے ترجمان کا کہنا تھا کہ 7 نومبر تک ملک میں پیٹرول کا ذخیرہ 21 دنوں کے لیے کافی ہے جس کی مقدار 5 لاکھ 50 ہزار میٹرک ٹن ہے۔
یہ بھی پڑھیں: پیٹرولیم مصنوعات کی قیمتوں میں اضافے کا امکان
انہوں نے کہا اسی طرح ملک میں ڈیزل کا ڈخیرہ بھی 15 دنوں کے لیے کافی ہے جس کی مقدار 4 لاکھ 38 ہزار میٹرک ٹن ہے۔
ان کا کہنا تھا کہ ملک میں پیٹرول اور ڈیزل کا ذخیرہ موجودہ ضرورت کو پورا کرنے کے لیے کافی ہے۔
ترجمان کے مطابق پی ایس او کی جانب سے نومبر 2022 کے لیے ڈیزل کی منصوبہ بندی 22 ہزار میٹرک ٹن ہے جس کا پہلا کارگو جہاز 12 نومبر کو کراچی پہنچنے کی توقع ہے۔
یہ بھی پڑھیں: پیٹرولیم مصنوعات کی قیمتوں کا نوٹیفکیشن جاری
انہوں نے مزید کہا کہ دیگر آئل کمپنیوں کے کارگو جہاز بھی جلد کراچی پہنچ جائیں گے۔
واضح رہے کہ گذشتہ روز آئل کمپنیز ایڈوائزری کونسل نے آنے والے دنوں میں ملک میں پیٹرول مصنوعات کی ناکافی درآمدات کی وجہ سے پیدا ہونے والی قلت کے حوالے سے خبردار کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News