اسلام آباد: نیشنل الیکٹرک پاور ریگیلوٹری اتھارٹی (نیپرا) کی جانب سے ایک ماہ کیلئے بجلی 5 روپے فی یونٹ مہنگی کرنے کی ابتدائی منظوری دے دی گئی ہے۔
نیپرا اتھارٹی نے ایف سی اے کی مد میں درخواست پر سماعت مکمل کر لی ہے، تاہم قیمتوں میں اضافے سے متعلق حتمی فیصلہ بعد میں جاری کرے گی۔
دوران سماعت ممبر نیپرا نے کہا کہ بجلی کی طلب کم ہونے سے صارفین پر بوجھ پڑ رہا ہے، مقامی کوئلے کا استعمال نہ ہونا بھی قیمتوں میں اضافے کی ایک وجہ ہے۔
ممبر نیبرا رفیق شیخ نے کہا کہ زرمبادلہ کا الگ نقصان اور صارفین کا الگ نقصان ہو رہا ہے، مہنگے پاور پلانٹس چلا کر کیپسٹی چارجز اور فیول چارجز بڑھائے گئے۔
پاور ڈویژن حکام کے مطابق صارفین سے 1.2 ٹریلین روپے وصول کرنے ہیں، 7 ستمبر سے 25 مارچ تک 11 ارب 60 کروڑ روپے کی بجلی چوری روکی گئی، انسداد بجلی چوری مہم سے 85 ارب 90 کروڑ روپے وصول کیے گئے۔
چیئرمین نیپرا نے کہا کہ گزشتہ ماہ این ٹی ڈی سی اور سی پی پی سے متعلق انکوائری کا حکم دیا، انکوائری پروفیشنلز کر رہے ہیں رپورٹ کی روشنی میں فیصلہ ہوگا، پانچ سے سات روز میں انکوائری مکمل ہو جائے گی جس پر نیپرا عید کے بعد فیصلہ دے گی۔
بعدازاں نیشنل الیکٹرک پاور ریگیلوٹری اتھارٹی نے ایک ماہ کیلئے بجلی 5 روپے فی یونٹ مہنگی کرنے کی ابتدائی منظوری دے دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News