آئی ایم ایف پروگرام کے حوالے سے بڑی خبر آگئی ہے۔
ذرائع کے مطابق انٹرنیشنل مانیٹری فنڈ سے مذاکرات کیلئے وزیر خزانہ محمد اورنگزیب کی قیادت میں وفد امریکہ پہنچ گیا ہے۔
پاکستان اور عالمی مالیاتی ادارے کے درمیان مذاکرات آئندہ ہفتے شیڈول ہیں، جن میں پاکستان نئے قرض پروگرام کیلئے باقاعدہ درخواست دے گا۔
ذرائع کے مطابق امریکا روانہ ہونے والے وفد میں گورنر اسٹیٹ بینک، سیکرٹری خزانہ اور سیکرٹری اقتصادی امور شامل ہیں۔
پاکستان اور آئی ایم ایف کے درمیان نئے قرض پروگرام کیلئے مذاکرات آئی ایم ایف ایگزیکٹو بورڈ اجلاس کے بعد ہوں گے۔
اس کے علاوہ واشنگٹن میں وزیر خزانہ کی ایم ڈی آئی ایم ایف کرسٹالینا جارجیوا سے ملاقات بھی متوقع ہے۔
یاد رہے کہ سالانہ اجلاس کے موقع پر ورلڈ بینک اور دیگر اداروں کے حکام سے بھی ملاقاتیں ہو سکتی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News