ٹیکس نہ دینے والوں کے موبائل کی سمز کس طرح بند کی جائیں گی؟

ویب ڈیسک

17th Apr, 2024. 04:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس نہ دینے والوں کے موبائل کی سمز کس طرح بند کی جائیں گی؟

فیڈرل بورڈ آف ریونیو (ایف بی آر) نے ملک بھر سے تقریباً ایسے پانچ لاکھ افراد کی موبائل سمز بند کرنے کا فیصلہ کیا ہے جو انکم ٹیکس ریٹرنز فائل نہیں کر رہے ہیں۔

تفصیلات کے مطابق ٹیکس حکام کا کہنا ہے کہ اس عمل کا آغاز گزشتہ برس نومبر میں اس وقت شروع کیا گیا تھا جب 18 لاکھ ٹیکس نادہندگان کو حتمی نوٹسز جاری کیے گئے تھے۔

ایک قانون کے ذریعے ایف بی آر حکام کو یہ اختیار ہے کہ وہ نہ صرف کسی بھی ٹیکس نادہندہ کا موبائل یا سِم بند کر سکتے ہیں بلکہ اُن کے بجلی اور گیس کے کنکشن کی بھی منقطع کر سکتے ہیں۔

اس اختیار کے بعد یہ پہلی مرتبہ ہوا ہے کہ ملک بھر کے ٹیکس نادہندگان کا بڑے پیمانے پر ڈیٹا اکٹھا کر کے اس قانون کا نفاذ کیا جا رہا ہے۔

ایف بی آر نے موبائل سمز بند کرنے کے لیے پی ٹی اے کے ساتھ مل کر میکنزم تیار کیا ہے۔