سائبر کرائم کورٹ نے جج ارشد ملک وڈیواسکینڈل کیس کو انسداد دہشت گردی کی عدالت منتقل کرنے کی درخواست مسترد کردی ہے۔
تفصیلات کے مطابق اسلام آباد کی سائبر کرائم کورٹ نے جج ارشد ملک ویڈیو اسکینڈل کیس انسداد دہشت گردی کی عدالت منتقل کرنے کی ایف آئی اے کی درخواست مسترد کردی۔
سائبر کرائم کورٹ کے جج طاہر محمود نے محفوظ شدہ فیصلہ سناتے ہوئے ایف آئی اے کو آئندہ سماعت پر مکمل چالان جمع کرانے کا حکم دیا ہے۔عدالت نے گزشتہ سماعت پر دلائل مکمل ہونے کے بعد فیصلہ محفوظ کر لیا تھا۔
واضح رہے کہ 6 جولائی 2019 کو پاکستان مسلم لیگ کی اعلیٰ قیادت نے پریس کانفرنس میں سابق وزیراعظم نواز شریف کو سزا سنانے والے احتساب عدالت کے جج ارشد ملک کی ایک ویڈیو جاری کی جس میں مبینہ طور پر یہ بتایا گیا کہ احتساب عدالت کے جج ارشد ملک کو نواز شریف کو سزا سنانے کے لیے بلیک میل کیا گیا۔ اس بنیاد پر مریم نواز نے یہ مطالبہ کیا کہ چونکہ جج نے خود اعتراف کرلیا ہے لہٰذا نواز شریف کو سنائی جانے والی سزا کو کالعدم قرار دے کر انہیں رہا کیا جائے۔
تاہم جج ارشد ملک نے ویڈیو جاری ہونے کے بعد اگلے روزایک پریس ریلیزکےذریعے اپنے اوپرعائد الزامات کی تردید کی اورمریم نواز کی جانب سے دکھائی جانے والی ویڈیو کو جعلی، فرضی اور جھوٹی قرار دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News