لاہور ہائی کورٹ میں پیٹرولیم مصنوعات کی قیمتوں میں حالیہ اضافے کے خلاف درخواست دائر کر دی گئی ہے۔
جوڈیشل ایکٹوازم پینل کے سربراہ اظہر صدیق کی جانب سے لاہور ہائی کورٹ میں درخواست دائر کی گئی جس میں وفاقی حکومت، وفاقی وزارت پیٹرولیم اور اوگرا کو فریق بنایا گیا ہے۔
درخواست میں مؤقف اختیار کیا گیا ہے کہ حکومت پنجاب نے پیٹرولیم کی قیمتوں میں قانونی جواز کے بغیر اضافہ کر دیا ہے، پیٹرول کی قیمت میں چار روپے اور ڈیزل کی قیمت میں آٹھ روپے تک اضافہ کیا گیاہے۔
درخواست گزار نے کہا کہ بین الاقوامی مارکیٹ میں پیٹرولیم مصنوعات کی قیمتیں مستحکم ہیں، حکومت کا اقدام آئین کی بنیادی حقوق کے خلاف ہے۔
اظہر صدیق نے استدعا کی کہ پیٹرولیم مصنوعات کی قیمتوں سے مہنگائی میں مزید اضافہ ہو گا، عدالت پیٹرولیم مصنوعات میں اضافے کا نوٹیفکیشن کالعدم قرار دے۔
واضح رہے کہ وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 4 روپے 53 پیسے فی لٹر جبکہ ڈیزل کی قیمت میں 8 روپے 14 پیسے کا اضافہ کردیا گیا ہے۔
قیمتوں میں اضافے کے بعد پیٹرول کی نئی قیمت 293 روپے 94 پیسے فی لٹر اور ڈیزل کی نئی قیمت 290 روپے 38 پیسے فی لٹر ہوگئی جبکہ ہائی سپیڈ ڈیزل کی فی لیٹر نئی قیمت 290 روپے 38 پیسے مقرر کر دی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News