این سی او سی کا تعلیمی ادارے بند کرنے کا فیصلہ؛ محکمہ تعلیم سندھ کا اہم بیان سامنے آگیا

کورونا کی زیادہ شرح والے تعلیمی ادارے ایک ہفتے کیلئے بند کرنے کے معاملے پر محکمہ تعلیم سندھ کا بیان سامنے آگیا ہے۔

ترجمان محکمہ تعلیم سندھ کا کہنا ہے کہ محکمہ داخلہ سندھ کو این سی او سی کا کوئی نوٹیفکیشن نہیں ملا، نوٹیفکیشن ملنے تک سابقہ فیصلے کے مطابق اسکول کھلے رہیں گے۔

ترجمان کا مزید کہنا تھا کہ این سی او سی کا نوٹیفکیشن موصول ہونے کے بعد فیصلہ کیا جائیگا۔

واضح رہے کہ نیشنل کمانڈ اینڈ آپریشن سینٹر (این سی او سی) نے اُن تعلیمی اداروں کو ایک ہفتے کے لیے بند کرنے کا فیصلہ کیا ہے جن میں کورونا کی شرح زیادہ ہو۔

این سی او سی کا کہنا تھا کہ  وفاق کی اکائیاں 12 سال سے زائد عمرطلبہ کو  ویکسینیشن لگانے کیلئے خصوصی مہم کا آغاز کریں اور سو فیصد ویکسینیشن یقینی بنائیں۔

این سی او سی نے مزید کہا کہ تعلیی اداروں میں آئندہ دو ہفتوں کیلئے بڑے پیمانے پر کورونا ٹیسٹنگ کی جائے اور خاص طور پر ان تعلیمی اداروں میں ٹیسٹنگ کو یقینی بنایا جائے جو ان علاقوں میں ہیں جہاں کورونا کی شرح زیادہ ہے۔