بالی ووڈ کی معروف اداکارہ رانی مکھرجی نے بھارتی فلم ساز یش چوپڑا کے حوالے سے یہ انکشاف کیا کہ انہوں نے میرے والدین کو ایک دفعہ کمرے میں بند کردیا تھا۔
اداکارہ نے اپنے ایک انٹرویو میں بتایا کہ جب انہوں نے 2002 میں ریلیز ہونے والی فلم ساتھیا کی پیشکش قبول نہیں کی تھی تو یش چوپڑا نے ان کے والدین کو کمرے میں بند کردینے کی دھمکی دی تھی۔
انہوں نے بتایا کہ ان کی والدہ کو لگا جیسے وہ پاگل ہوگئی ہیں کیونکہ یہ ایسا وقت تھا جب وہ کام کرنے سے مسلسل انکار کر رہی تھیں بس اپنے گھر پر ہی محدود ہوگئی تھیں ۔
رانی مکھرجی نے بتایا کہ سب نے ان پر تنقید کرنا شروع کردی تھی کہ اب ان کا کیرئیر ختم ہوگیا ہے۔
اداکارہ نے بتایا کہ اس سب کے بعد بھی میں نے ہمت نہیں ہاری اور اپنے فیصلے پر قائم رہی کہ کوئی ایسا کام نہیں کروں گی جسے کرنے پر دل راضی نہ ہو۔
رانی مکھرجی نے بتایا کہ جب یش چوپڑا نے فلم ساتھیا کی پیشکش کی تو ان کے والدین یش چوپڑا کے پاس ان کے آفس یہ بتانے گئے کہ ان کی بیٹی اس پراجیکٹ پر کام نہیں کرنا چاہتیں۔
انہوں نے بتایا کہ جب میں نے فلم میں کام کرنے سے انکار کیا تو یش چوپڑا نے انہیں کال کر کے کہا کہ وہ اپنے کمرے کا دروازہ بند کر رہے ہیں اور یہاں سے ان کے والدین اس وقت تک باہر نہیں جائیں گے جب تک وہ فلم میں کام کرنے کے لئے ہاں نہیں کر دیں۔
اداکارہ رانی مکھرجی نے کہا کہ یش انکل کا اس طرح مجھے فلم کے لئے راضی کروانا میرے کیرئر کے حوالے سے بہترین ثابت ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News