شادی کرتے ہوئے دنیا کا نہیں سوچا تھا، منظر صہبائی

عروبہ خان

20th Nov, 2021. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شادی کرتے ہوئے دنیا کا نہیں سوچا تھا، منظر صہبائی

پاکستانی شوبز انڈسٹری نے سینیئر اداکار منظر صہبائی اور اداکارہ ثمینہ احمد نے گزشتہ برس بہت سادگی سے شادی کی تھی۔

اپنی شادی کے حوالے سے بات کرتے ہوئے ایک انٹرویو میں اداکار نے بتایا ہے کہ شادی کرتے ہوئے صرف اپنی ذات کے حوالے سے سوچا تھا اسکے علاوہ دنیا کی کوئی فکر نہیں تھی۔

شادی کے بعد پہلے مشترکہ انٹرویو کے دوران منظر صہبائی اور ثمینہ احمد نے اپنی نئی ازدواجی زندگی کے حوالے سے بات کی ہے۔

منظر صہبائی نے ثمینہ احمد سے اپنے رشتے کو بیان کرتے ہوئے کہا ہے کہ یہاں کسی قسم کا کوئی مفاد نہیں ہے، یہاں پر صرف عشق ہے۔

اس موقع پر بات کرتے ہوئے ثمینہ احمد نے کہا کہ یہ بہت اچھی بات ہوتی ہے کہ آپ جیسے بھی ہیں ایک دوسرے کو قبول کر لیتے ہیں۔

انھوں نے کہا کہ کوویڈ کے دنوں میں جب سب لوگ گھروں میں بند تھے اور ایک خاص طرح کی صورتحال تھی تو ہمارے شادی کرنے پر لوگوں کو حیرانی ضرور ہوئی۔

خیال رہے کہ پاکستان کی شوبز انڈسٹری کی ان دو معروف شخصیات نے گزشتہ برس شادی کر لی تھی اور ان کی شادی کی خبر سامنے آنے پر مداحوں کی جانب سے مبارکباد کے بہت سارے پیغامات بھیجے گئے تھے۔

سوشل میڈیا صارفین نے اپنے پیار بھرے پیغامات میں شادی کے اس فیصلے کا خیرمقدم کرتے ہوئے دونوں کے لیے نیک خواہشات کا اظہار کیا تھا۔