بالی ووڈ اداکار شاہد کپور کو بھارتی اداکارہ مرونل ٹھاکر نے زوردار تھپڑ مار دیا۔
اداکارہ مرونل ٹھاکر نے فلم جرسی کی شوٹنگ کے دوران ایک سین کا ذکر کرتے ہوئے مداحوں سے ایک واقعہ شیئر کیا۔
اداکارہ نے بتایا کہ فلم میں ایک سین ہے جس میں انہیں شاہد کپور کو تھپڑ مارنا تھا اور وہ ڈر رہی تھیں کہ کہیں زور سے نہ لگ جائے۔
انہوں نے بتایا کہ شاہد نے کہا کہ میں خود یہ چاہتا ہوں تم مجھے زور سے تھپڑ مارو اور پھر میں نے شاہد کو تھپڑ ماردیا اور اس طرح ہدایت کار گوتم تنانور اس سین کو فلمانے میں کامیاب ہوئے۔
واضح رہے کہ بھارت میں اومیکرون ویرینٹ کے تیزی سے پھیلاؤ کے باعث بالی ووڈ کے معروف اداکار شاہد کپور کی نئی آنے والی فلم جرسی کی ریلیز ملتوی کردی ہے۔
جرسی کی ٹیم کی جانب سے جاری شدہ بیان میں کہا گیا ہے کہ موجودہ حالات کے پیش نظر کورونا وائرس کے حوالے سے نئی گائیڈلائنز کے مطابق ہم نے فیصلہ کیا ہے کہ اس فلم کی تھیٹرز پر ریلیز کو ملتوی کردیں۔
گوتم تینانوڑی کی ہدایتکاری میں بننے والی جرسی اس سے قبل تلگو زبان میں بن چکی ہے اور اس میں مرکزی کردار اداکار نانی نے کیا تھا جبکہ تلگو فلم کی ڈائریکشن بھی گوتم تینانوڑی ہی نے دی تھی۔
اس نئی فلم میں شاہد کپور ایک کرکٹر کا کردار نبھا رہے ہیں جبکہ اداکارہ مرونل ٹھاکر شاہد کپور کے مقابل اداکاری کے جوہر دکھا رہی ہیں۔
واضح رہے کہ فلم جرسی کو 31 دسمبر کو تھیٹرز پر ریلیز ہونا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News