وسیم اکرم کی اہلیہ اور سماجی کارکن شنیرا اکرم نے اپنی بیٹی عائلہ اکرم سے متعلق ایک اہم انکشاف کر دیا۔
شنیرا اکرم نے ٹوئٹر پر کھانے میں اپنی بیٹی عائلہ کی پسند کے بارے میں بتاتے ہوئے کہا کہ ان کی بیٹی جو آسٹریلوی سینڈویچ کا ایک نوالہ نہیں کھا سکتی وہ مصالحے دار پکوڑوں کی پوری پلیٹ آرام سے کھا سکتی ہے۔
انہوں نے ہیش ٹیگ کا استعمال کرتے ہوئے لکھا کہ ان کی بیٹی کو دیسی کھانا پسند ہے اور اس کے خون میں پاکستان ہے۔
واضح رہے کہ شنیرا اکرم طویل عرصے کے بعد پاکستان پہنچی ہیں کیونہ آسٹریلوی حکومت نے کورونا وائرس کے بڑھتے کیسز کے پیش نظر آسٹریلیا کے بارڈرز بند کیے ہوئے تھے جس کی وجہ سے شنیرا اور اُن کی بیٹی گزشتہ سال سے آسٹریلیا میں پھنسی ہوئی تھیں جبکہ اُن کے شوہر وسیم اکرم پاکستان میں ہی موجودتھے۔
یاد رہے کہ وسیم اکرم لیجنڈری آل راؤنڈر اور سابق کپتان کے طور پر جانے جاتے ہیں، انہوں نے 1992 میں آل راؤنڈ کارکردگی کے ذریعے انگلینڈ کی ٹیم کے خلاف فائنل میں پاکستان کی مدد کی تھی اور اس کے بعد پاکستان کو میچ جیتوا کر چیمپئن کا ٹائٹل اپنے نام کیا تھا۔
سابق کپتان نے 1995 میں ہما مفتی سے شادی کی تھی اور دونوں کے دو بیٹے بھی ہیں لیکن بدقسمتی سے ان کی اہلیہ 2009 میں زندگی کی بازی ہار گئیں ،انہوں نے دوسری شادی 2013 میں شنیرا تھامسن نامی آسٹریلوی لڑکی سے کی اور اس جوڑے کی ایک بیٹی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News