بالی ووڈ سپر اسٹار شاہ رخ خان کو قتل کی دھمکی مل گئی۔
شاہ رخ خان اپنی فلم پٹھان کے گانے ’بے شرم رنگ‘ کی وجہ سے تنازعات کا شکار ہیں جس نے مزید شدت اختیار کر لی ہے، ہندو انتہا پسندوں کی جانب سے اداکار کو زندہ جلانے کی دھمکیاں بھی دی جارہی ہیں ۔
اس فلم کے گانے بےشرم رنگ میں اداکارہ دیپکا پڈکون کے زعفرانی رنگ کے غیر مناسب لباس پر تنازع سامنے آیا جس کے بعد بھارتی ہندو انتہا پسندوں نے اسے ہندو مذہب کی بے حرمتی قرار دیتے ہوئے فلم پر پابندی کا مطالبہ کیا۔
This is disgusting !!! He is the same 'Guru' Paramhans Acharya who threatened to take 'Jal Samadhi' if the country was not declared a Hind00 Rashttra by 2nd Oct 2021
AdvertisementNow he's threatening #SRK
Boycott the Party which supports such 'Gurus'
. pic.twitter.com/DnnrOezbXY— Katyusha (@Indian10000000) December 20, 2022
تاہم اب ہندو انتہا پسند پنڈت پرمہنس آچاریہ کی جانب سے شاہ رخ خان کو زندہ جلانے کی دھمکی دی گئی ہے جس کی ویڈیو بھی سوشل میڈیا پر وائرل ہوگئی ہے۔
ویڈیو میں پنڈت کو بھارتی میڈیا سے گفتگو کرتے شاہ رخ خان کو دھمکیاں دیتے ہوئے سنا جا سکتا ہے جس میں وہ کہہ رہے ہیں کہ آج ہم نے شاہ رخ خان کا پوسٹر جلایا ہے اور اگر انہیں کہیں جہادی شاہ رخ خان مل جائے تو وہ اسے بھی زندہ جلا دیں گے۔
پنڈت پرمہنس آچاریہ نے کہا کہ اگر کسی اور نے بھی شاہ رخ خان کو زندہ جلانے کا قدم اٹھایا تو اس کا مقدمہ بھی وہ خود لڑیں گے۔
آخر میں انہوں نے پٹھان جیسی بننے والی فلم کے بائیکاٹ کی اپیل بھی کی۔
بھارتی میڈیا کے مطابق پنڈت پرمہنس آچاریہ نے اس سے قبل بھی ہندوستان کو ہندو راشٹر قرار نہ دینے پر جل سمادھی( پانی میں ڈوب کر خود کشی) کرنے کا اعلان کیا تھا۔
یاد رہے کہ اداکار شاہ رخ خان اور دیپیکا پڈوکون کی فلم ’پٹھان‘ ریلیز سے قبل ہی تنازعات کا شکار ہوگئی۔
وزیر داخلہ مدھیا پردیشن نے بھی فلم پٹھان میں دیپیکا کے لباس کو قابلِ اعتراض قرار دیتے ہوئے فلم کی نمائش سے مشروط کردیا تھا۔
اس سے قبل نورتم مشرا کا بیان شاہ رخان اور دیپیکا کی فلم پٹھان کے گانے “بے شرم رنگ” کی ریلیز کے بعد منظر عام پر آیا۔
یہ بھی پڑھیں: شاہ رخ خان کا فلم ’پٹھان‘ سے متعلق حیران کن اہم انکشاف
انہوں نے کہا کہ گانے میں پہنا گیا لباس اور مناظر انتہائی قابلِ اعتراض ہیں جو واضح طور پر منفی ذہنیت کی عکاسی کرتے ہیں۔
نورتم مشرا نے دیپیکا پڈوکون سے مناسب لباس پہننے اور فلم کے قابلِ اعتراض مناظر کو تبدیل کرنے کی درخواست کرتے ہوئے کہا کہ ہدایت پر عملدرآمد کی صورت میں فلم کی نمائش سے متعلق فیصلہ کیا جائے گا۔
واضح رہے کہ فلم پٹھان کو سدھارتھ آنند نے ڈائریکٹ کیا ہے اور اسے یش راج اسٹوڈیوز نے بنایا ہے۔
شاہ رخ خان اور دیپیکا کے علاوہ فلم میں جان ابراہم بھی مرکزی کردار میں نظر آئیں گے۔
پٹھان کا پہلا گانا بیشرم رنگ 12 دسمبر 2022 کو ریلیز ہوا تھا جبکہ فلم 25 جنوری 2023 کو ریلیز ہو گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News