مرحوم ٹی وی اینکر عامر لیاقت حسین کی تیسری اہلیہ دانیہ شاہ کے وکیل نے ہوشربا انکشافات کے دئیے۔
دانیہ شاہ کے وکیل کے مطابق وراثت کے حق سے محروم کرنے کے لئے عامر لیاقت کی تیسری اہلیہ کو کیسز میں پھنسایا جارہا ہے۔
کراچی سٹی کورٹ میں ایڈیشنل اینڈ ڈسٹرکٹ جج جنوبی نے مرحوم ڈاکٹر عامر کی نازیبا ویڈیو لیک کے مقدمے کی سماعت کی۔
لیاقت گبول ایڈوکیٹ نے دانیہ شاہ کی جانب سے درخواست ضمانت جمع کرواتے ہوئے یہ موقف اپنایا کہ دانیہ کیخلاف مقدمہ جھوٹا ہے۔
یہ بھی پڑھیں: دانیہ شاہ کی گرفتاری؛ والدہ کا اہم بیان سامنے آگیا
وکیل کا کہنا ہے کہ دانیہ شاہ نے نا کوئی ویڈیو بنائی اور نا سوشل میڈیا پر وائرل کی،ان کیخلاف عامر لیاقت نے اپنی زندگی میں کوئی شکایت نہیں کی تھی۔
واضح رہے کہ عدالت نے دانیہ شاہ کے وکیل کی درخواست پر ایف آئی اے سے جواب طلب کرتے ہوئے سماعت 20 دسمبر تک ملتوی کی تھی۔
عدالتی ریمانڈ پر موجود دانیہ شاہ کیخلاف عامر لیاقت کی صاحبزادی نے مقدمہ درج کروایا تھا۔
یہ بھی پڑھیں: عامر لیاقت کی نازیبا ویڈیوز وائرل کرنے کا کیس، دانیہ شاہ کے جسمانی ریمانڈ کی استدعا مسترد
ایف آئی اے سائبر کرائم حکام نے پیکا ایکٹ کی دفعات کے تحت مقدمہ درج کیا ہے، دانیہ شاہ کیخلاف مرحوم ڈاکٹر عامر کی غیر اخلاقی وڈیوز بنا کر وائرل کرنے کا الزام ہے۔
مرحوم ٹی وی اینکر عامر لیاقت حسین کی تیسری بیوی دانیہ شاہ کو ایف آئی اے حکام نے لودھراں سے گرفتار کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News