پاکستان شو بز انڈسٹری کی نامور اداکارہ سجل علی نے شادی کے لیے دباؤ میں آنے والی خواتین کو مشورہ دے دیا۔
ان دنوں سجل علی کی نئی فلم ’واٹس لَو گاٹ ٹو ڈو وِد اِٹ‘ کا نمائش کے ساتھ ساتھ لندن میں بھی پریمیئر ہوا تھا۔
حال ہی میں سجل نے بین الاقوامی پریس کو انٹرویو دیتے ہوئے جنوبی ایشیا کی خواتین پر شادی کے لیے دباؤ ڈالنے کے بارے میں کہا کہ یہ یقینی طور پر ایک عام سی بات ہے۔
اداکارہ سجل نے کہا کہ خواتین پر شادی کے لیے دباؤ ڈالا جاتا ہے اور شادی بہت ضروری ہے لیکن خواتین کو اپنی زندگی کو صرف شادی کے حوالے سے نہیں بنانا چاہئیے بلکہ انہیں اپنی پسند، ناپسند اور زندگی کے بارے میں بھی سوچنا چاہئیے۔
انہوں نے کہا کہ شادی کو دباؤ نہ بنایا جائے اور اگر شادی نہیں چل رہی تو الگ ہو جائیں ۔
سجل علی نے کہا کہ وہ نہیں جانتیں کہ لَو میرج بہتر ہے یا ارینج کیونکہ وہ ابھی بہت چھوٹی ہیں لیکن ابھی جو کچھ سمجھ پائی ہیں تو شادی ہے ہی خطرہ۔
واضح رہے کہ یہ سجل علی کی پہلی انگریزی زبان کی فلم ہے جسے جمائما خان نے لکھا اور پروڈیوس کیا ہے جبکہ ہدایت کاری شیکھر کپور نے کی ہے۔
فلم ’واٹس لَو گاٹ ٹو ڈو وِد اِٹ‘ میں للی جیمز، شہزاد لطیف، شبانہ اعظمی، سجل علی، عاصم چوہدری اور ایما تھامسن مرکزی کرداروں میں نظر آئیں گے۔
یہ بھی پڑھیں: جمائما گولڈ کا اداکارہ سجل علی سے محبت کا اظہار
فلم ’واٹس لَو گاٹ ٹو ڈو وِد اٹ‘ آئندہ سال 27 جنوری 2023 کو سینما گھروں کی زینت بنے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News