پاکستان کی معروف اداکارہ سجل علی کی نئی تصویر نے مداحوں کو تشویش میں مبتلا کردیا ہے۔

حال ہی میں اداکارہ نے اپنے انسٹاگرام اکاؤنٹ پر ایک تصویر پوسٹ کی ہے جس میں انہوں نے جیکٹ پہنی ہوئی ہے جبکہ آنکھوں پر عینک ہے اور زلفیں کھلی ہوئی ہیں۔

 تصویر کے کیپشن میں اداکارہ نے لکھا ہے کہ ’تمام اختتام کسی نہ کسی چیز کا آغاز ہوتے ہیں‘۔

اداکارہ نے اس تصویر میں جس جیکٹ کو پہن رکھا ہے یہ وہ ہی جیکٹ ہے جس میں انہوں نے ماضی میں اپنے سابقہ شوہر احد رضا میر کے ہمراہ انسٹاگرام پر  چند تصاویر شئیر کی تھیں، تاہم اسی جیکٹ کو پہن کر  ایک مشکوک کیپشن لکھنا سجل کا احد کیلئے ایک پیغام معلوم ہوتا ہے۔

اداکارہ اس تصویر میں خوشی سے ہنستی ہوئی نظر آرہی ہیں اور اس خوشی کا اظہار انہوں نے ڈھکے چھپے الفاظ میں پوسٹ کے کیپشن میں بھی کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں