بالی ووڈ فلم انڈسٹری کے مشہور و معروف اداکار سلمان خان کے گھر فائرنگ کا واقعہ پیش آیا ہے جس کے بعد اداکار نے گھر چھوڑ کر دوسری جگہ منتقل ہونے سے انکار کردیا۔
بھارتی میڈیا کے مطابق سلمان خان فی الحال کسی بھی فلم کی شوٹنگ میں مصروف نہیں ہیں لیکن وہ آنے والے دنوں میں کچھ اشتہارات میں کام کریں گے اور اس کے لیے اُنہوں نے اپنی ٹیم سے کہا ہے کہ اُن کا کوئی بھی منصوبہ منسوخ نہ کیا جائے بلکہ وہ اپنے تمام کام شیڈول کے مطابق جاری رکھیں گے۔
سلمان خان کے قریبی ذرائع کا کہنا ہے کہ اداکار فائرنگ کے واقعے پر توجہ نہیں دینا چاہتے کیونکہ اُنہیں لگتا ہے کہ فائرنگ کے واقعے کے پیچھے جن افراد کا ہاتھ ہے وہ یہی چاہتے ہیں کہ سلمان خان اپنے تمام پراجیکٹس چھوڑ کر پریشانی کے عالم میں گھر کی چار دیواروں میں قید ہوجائیں۔
سلمان خان نے بالی ووڈ کے اپنے تمام دوستوں اور اداکاروں سے کہا ہے کہ وہ پریشان نہ ہوں اور اُن کے گلیکسی اپارٹمنٹس کا دورہ نہ کریں کیونکہ وہ نہیں چاہتے کہ کسی کو بھی نقصان پہنچے۔
خیال رہے کہ 14 اپریل کی صبح 5 بجے ممبئی کے علاقے باندرہ میں سلمان خان کی رہائش گاہ گلیکسی اپارٹمنٹ کے باہر موٹر سائیکل سوار 2 مسلح افراد نے تین راؤنڈز فائرنگ کیے تھے اور پھر دونوں افراد فرار ہوگئے تھے۔
پولیس کا کہنا ہے کہ دونوں افراد کا تعلق گینگسٹر لارنس بشنوئی کے گینگ سے ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News