سلمان خان کے گھر پر نامعلوم افراد کی فائرنگ

ویب ڈیسک

14th Apr, 2024. 02:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سلمان خان کے گھر پر نامعلوم افراد کی فائرنگ

بالی ووڈ فلم انڈسٹری کے مشہور و معروف اداکار سلمان خان کے گھر پر 2 نامعلوم افراد نے فائرنگ کی ہے۔

بھارتی میڈیا کے مطابق یہ واقعہ ممبئی کے علاقے باندرہ میں سلمان خان کی رہائشگاہ گلیکسی اپارٹمنٹ کے باہر صبح 5 بجے پیش آیا، 2 نامعلوم افراد فائرنگ کرکے فرار ہوگئے۔

پولیس حکام نے بتایا کہ موٹر سائیکل سوار 2 مسلح افراد نے تین راؤنڈز فائرنگ کیے۔

واقعے کی اطلاع ملتے ہی ممبئی پولیس کی کرائم برانچ فورا جائے وقوعہ پہنچ گئی اور اہلکاروں کو تعینات کردیا، پولیس نے واقعے کی تحقیقات شروع کردی ہیں۔

واقعے کے بعد سلمان کے گھر کے باہر سیکیورٹی بڑھا دی گئی ہے، فرانزک ٹیم نے جائے وقوعہ پہنچ کر شواہد اکٹھے کرلیے ہیں اور دیوار پر موجود گولی کے نشان کا بھی جائزہ لیا ہے۔

پولیس حکام اس وقت علاقے کی سی سی ٹی وی فوٹیجز کا معائنہ کررہے ہیں جن کی مدد سے مجرموں کی گرفتاری کی کوشش کی جارہی ہے۔ حملے کے مقاصد ابھی تک واضح نہیں ہیں۔

واضح رہے کہ گزشتہ سال پنجاب کے لارنس بشنوئی گینگ کی جانب سے سلمان خان کو جان سے مارنے کی دھمکی ملی تھیں۔