پاکستانی اداکارہ مومنہ اقبال کی شادی کی تقریبات سوشل میڈیا پر خوب توجہ حاصل کر رہی ہیں جہاں ان کی مہندی کی تقریب کی تصاویر اور ویڈیوز تیزی سے وائرل ہو رہی ہیں۔
حال ہی میں مومنہ اقبال نے اپنی مہندی کی تقریب کی جھلکیاں مداحوں کے ساتھ شیئر کیں جنہیں سوشل میڈیا صارفین کی جانب سے بھرپور پذیرائی مل رہی ہے۔
تقریب کے لیے اداکارہ نے سنہری کتان سلک لہنگے کا انتخاب کیا جس پر نفیس ٹون آن ٹون کڑھائی کی گئی تھی۔
View this post on Instagram
دوسری جانب ان کے دولہا حمزہ حبیب سیاہ رنگ کی شیروانی میں ملبوس نظر آئے جس پر سنہری کام کیا گیا تھا۔ دونوں نے رنگا رنگ کشیدہ کاری والی روایتی شال کے ساتھ تصاویر بنوائیں جنہوں نے ان کی جوڑی کی خوبصورتی کو مزید نمایاں کیا۔
اداکارہ نے تصاویر شیئر کرتے ہوئے اپنے شریکِ حیات کے نام محبت بھرا پیغام بھی تحریر کیا جسے مداحوں نے بے حد پسند کیا اور اس پر محبت بھرے تبصرے کیے۔
View this post on Instagram
مہندی کی تقریب میں مومنہ اقبال نے رسٹ رنگ کا خوبصورت لہنگا چولی زیب تن کیا جس پر سنہری زردوزی اور ٹلہ ورک کیا گیا تھا، جبکہ جامنی رنگ کے دیدہ زیب دوپٹے نے ان کے برائیڈل انداز کو مزید نکھار دیا۔ روایتی زیورات، ہاتھوں پر سجی مہندی اور سونے کی چوڑیوں نے ان کے دلکش لک کو چار چاند لگا دیے۔
یاد رہے کہ مومنہ اقبال گزشتہ دنوں ایک تنازع کے باعث خبروں میں رہی تھیں تاہم اب ان کی شادی کی تقریبات بھرپور انداز میں جاری ہیں اور مداح اس خوشی کے موقع پر انہیں مبارک باد پیش کر رہے ہیں۔
سوشل میڈیا پر صارفین نہ صرف اس جوڑی کے لیے نیک تمناؤں کا اظہار کر رہے ہیں بلکہ مومنہ اقبال کے روایتی اور خوبصورت برائیڈل انداز کی بھی خوب تعریف کر رہے ہیں۔
