زندگی کی جنگ جیتنے والی پاکستان کی معروف اداکارہ نمرہ خان نے مداحوں کے لیے امید بھرا پیغام دیا ہے۔
نمرہ خان نے سوشل میڈیا پر شیئر کیے گئے اپنے پیغام میں کہا کہ میں صرف صحت یاب ہونے کے لیے نہیں لڑ رہی تھی، بلکہ زندگی کے لیے لڑ رہی تھی۔ چار دن وینٹی لیٹر پر، انیس دن کوما میں اور تین سال وہیل چیئر پر گزارے۔
انہوں نے کہا کہ کچھ لمحات ایسے بھی آئے جب زندگی کا بوجھ ناقابلِ برداشت محسوس ہوتا تھا لیکن اللہ نے کبھی میرا ساتھ نہیں چھوڑا۔ اس نے مجھے وہ سب کچھ برداشت کرنے کی طاقت دی جس کے بارے میں میں نے کبھی نہیں سوچا تھا کہ میں اسے سہہ پاؤں گی۔ میرے والدین، میرے پیارے اور ان کی بے لوث دعائیں میرے مشکل ترین دنوں میں میرا سہارا بنیں۔
View this post on Instagram
اداکارہ کا کہنا تھا کہ آج میں اپنے زخموں کے نشانات کو غم کے ساتھ نہیں دیکھتی۔ میں انہیں اس بات کے ثبوت کے طور پر اپنے ساتھ رکھتی ہوں کہ اللہ کی رحمت ہر مشکل سے کہیں زیادہ بڑی ہے اور یہ کہ تاریک ترین راتوں کے بعد بھی وہ زندگی کی ایک خوبصورت نئی شروعات لکھ سکتا ہے۔
انہوں نے کہا کہ آج وہ اپنے جسم پر موجود زخموں کے نشانات کو افسوس کے بجائے اللہ کی رحمت کی نشانی سمجھتی ہیں، کیونکہ تاریک ترین رات کے بعد بھی اللہ زندگی میں ایک خوبصورت نئی شروعات عطا کر سکتا ہے۔
نمرہ خان نے مزید کہا کہ اگر آپ آج کسی مشکل سے گزر رہے ہیں تو امید مت ہاریں۔ آپ کی زندگی کا موجودہ باب آپ کی کہانی کا اختتام نہیں ہے۔ اللہ کے فیصلے پر بھروسہ رکھیں کیونکہ وہی درد کو مقصد اور بقا کو طاقت میں بدلنے والا ہے۔
آخر میں اداکارہ نمرہ خان نے لکھا کہ الحمدللہ، زندگی نے مجھے دوسرا موقع دیا ہے۔
