ڈرگ ریگولیٹری اتھارٹی آف پاکستان کی جانب سے ایک اور ویکسین کے ہنگامی استعمال کی منظوری دے دی گئی ہے۔
اس ضمن میں حکام کا کہنا ہے کہ ڈریپ کی جانب سے چینی کمپنی سائنو ویک کی ویکسین کورونا ویک کے ہنگامی استعمال کی منظوری دے دی گئی ہے۔
حکام نے بتایا ہے کہ ویکسین کے ہنگامی استعمال کی منظوری ڈریپ کے رجسٹریشن بورڈ کے اجلاس میں دی گئی ہے جس کے لئے چھ رکنی ایکسپرٹ کمیٹی نے سفارش دی تھی۔
خیال رہے کہ کورونا ویک پاکستان میں ہنگامی استعمال کے لئے منظور ہونے والی پانچویں ویکسین ہے اوراس ویکسین کو جلد از جلد پاکستان لانے کی کوشش کی جائیگی۔
یاد رہے کہ کورونا ویک اس وقت چین، برازیل، انڈونیشیا اور ترکی سمیت دیگر ممالک میں استعمال کی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News