ٹھنڈا پانی پینا اب ہر عمر کے فرد کی عادت بن چکی ہے لیکن ٹھنڈے پانی کا استعمال انسان کی صحت کے لئے بہت سے نقصانات کا باعث بن سکتا ہے۔

یہی وجہ ہے کہ ماہرین ان تمام نقصانات سے بچنے کے لئے باقاعدہ طور پر گرم پانی کا استعمال کرنے کی ہدایت دیتے ہیں۔

گرم موسم میں گرم پانی پینا ایک امتحان ہوتا ہے کیونکہ گرمی کی شدت کے باعث انسان کو فطری طور پر ٹھنڈے پانی کی طلب ہوتی ہے لیکن سردیوں میں اس کا استعمال کئی مسائل کا سبب بن سکتا ہے۔

اس حوالے سے ماہرین کا کہنا ہے کہ سرد موسم میں گرم پانی پینا چاہیئے کیونکہ اس سے انسان بہت سی موروثی بیماریوں  سے بچ سکتا ہے۔

1۔ گلے کی خرابی:

گرم پانی کا استعمال انسان کو گلے کی خرابیوں سے بچاتا ہے اور گلے کو ایک حد تک راحت پہنچانے میں بھی مددگار ثابت ہوتا ہے۔

2۔ ہاضمہ:

گرم پانی کا استعمال انسان کے نظام انہضام کو بہتر بنانے اور کھائے ہوئے کھانے کو ہضم کرنے میں بھی مدد دیتا ہے۔

3۔ کھانے کی طلب:

گرم پانی کا استعمال انسانی جسم میں کھانے کی زیادہ طلب کو بھی کنٹرول کرنے میں مدد کرتا ہے۔

4۔ وزن میں کمی:

گرم پانی کا باقاعدہ استعمال انسان کے جسمانی وزن میں بھی کمی کا باعث بنتا ہے جبکہ اضافی چربی بھی کم ہوتی ہے۔