صبح بیدار ہونے پر جو کام سب سے زیادہ اہمیت رکھتا ہے وہ ہے منہ کی صفائی، جس میں برش کرنے کے ساتھ اور مختلف بیکٹریاکے خاتمے کے لیے ماؤتھ واش کا استعمال کرنا شامل ہے۔
منہ کی صفائی میں ماؤتھ واش بہت اہم کردار ادا کرتا ہے، یہ آپ کے دانتوں کی صفائی کرتا ہے، مختلف وائرس سے دانتوں کے محفوظ رکھتا ہے، جراثیم سے منہ کے حفاظت کرتا ہے اور بیکٹیریا کے پیدا ہونے کے خدشے کو کم کرنے میں بھی مدد فراہم کرتا ہے۔ واضح رہے کہ ماؤتھ واش میں دیگر کئی اجزاء کے ساتھ الکحل ایک بنیادی جز ہوتا ہے۔
یہ بھی پڑھیں: روشنی کی مددسےجراثیم مارنے والاجدیدماوتھ واش تیار
لوگوں کی بڑی تعداد ایسے ماؤتھ واش کو استعمال کرنے سے گریز کرتی ہے جس میں الکحل موجود ہوتا ہے تاہم یہ ماؤتھ واش گھر میں موجود اشیاء سے بھی تیار کیا جاسکتا ہے۔
یہ بھی پڑھیں: ماؤتھ واش کا استعمال منہ کی صحت کے لیے مفید ہے یا مضر؟ ماہرین نے آگاہ کردیا
اسی لیے آج یہاں پر نہایت طاقت ور اینٹی بیکٹیریل ماؤتھ واش بنانے کی ترکیب پیش کی جارہی ہے جسے بنانا بہت ہی آسان ہے۔
ماؤتھ واش
اجزاء:
اس ماؤتھ واش کو بنانے کے لیے جو اجزاء درکار ہیں ان میں دو چائے کے چمچ بیکنگ سوڈا، دو قطرے پیپر منٹ آئل، دو قطرے ٹی ٹری آئل، آدھا کپ فلٹرڈ یا ڈسٹل واٹر شامل ہے۔
ہدایات:
ایک پیالی میں ان تمام اجزاء کو ملا اچھی طرح مکس کریں ایک بوتل میں ڈال کر محفوظ کر لیں۔ بہترین ماؤتھ واش تیار ہے، اس ماؤتھ واش کی تھوڑی سی مقدارمنہ میں لے کر دو منٹ تک گھمائیں یا غرارے کریں اسے نگلنے سے گریز کریں۔ بیکنگ سوڈا کی موجودگی کی وجہ سے اسے ہمیشہ ہلاکر استعمال کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News