دودھ کو غذائیت کے اعتبارسے ایک مکمل غذا کہاجاتا ہے اس میں ایسے صحت بخش اجزا موجود ہوتے ہیں جو آپ کی مجموعی صحت کو بہتربنانے میں معاون ثابت ہوتے ہیں۔

دودھ میں مختلف معدنیات اور وٹامنز کے علاوہ چکنائی میں حل پذیر وٹامنز، بی وٹامنز، وٹامن اے، ڈی، اور کیلشیم کے ساتھ ساتھ پروٹین، اور لیکٹک ایسڈ موجود ہوتا ہے۔ یہی وجہ ہے کہ اسے روزانہ  غذا میں شامل رکھنا کا مشورہ دیا جاتاہے۔ تاہم ماہرین صحت دودھ کے ساتھ کچھ غذاؤں کو کھانے سے منع کرتے ہیں کیونکہ یہ غذائیں جب دودھ کے ساتھ لی جاتی ہیں تو صحت کے مسائل جنم لے سکتے ہیں۔ یہاں پر ایسی غذاؤں کو ذکر کیا جارہا ہے۔

پروٹین سے بھرپورغذائیں

دودھ کے ساتھ ایسی غذاؤں کو کھانا جو پروٹین سے بھرپور ہو جیسے گوشت ہاضمے میں خلل کا سبب بن سکتا ہے جس سے بھاری پن کا احساس جنم لے سکتا ہے۔

مچھلی

مچھلی تاثیر میں گرم ہے جبکہ دودھ کا اثر ٹھنڈا ہے ان دونوں کو ایک ساتھ کھانا جسم میں موجود کیمیکل کوغیر متوازن کر سکتا ہے۔

ترش پھل

ترش پھل جیسے لیموں اور نارنگی تیزابی خاصیت رکھنے کے ساتھ  وٹامن سی سے بھرپورہوتے ہیں۔ انہیں کبھی بھی دودھ سے ساتھ نہیں کھانا چاہئے کیونکہ ان دونوں کا ملاپ کھانے کے بعد ہاضمے میں خلل کا سبب بن سکتا ہے۔

کیلا

دودھ اور کیلا کا ملک شیک کسے پسند نہیں تاہم ان دونوں کا ساتھ ملا کر پینا کھانسی، سردی لگنے اور نیند سے متعلق مسائل کا سبب بن سکتا ہے۔

آئرن سے بھر غذائیں

آئرن اور دودھ میں موجود کیلشیم دونوں ہی صحت کے لیے اہم تریں غذائی اجزاء ہیں لیکن جب ان دونوں کو ایک ساتھ خوارک میں شامل کیا جاتا ہے تو جسم ان دونوں کو ایک ساتھ جذب نہیں کرسکتا اس طرح یہ اہم ترین غذائی اجزاء ضائع ہوسکتے ہیں۔