صحت مند رہنے، وزن کم کرنے یا اپنی جسمانی ساخت کو بہتر بنانے کے لیے لوگوں کی بڑی تعداد مختلف ڈائٹ پلان پر عمل کرتی ہے ان ہی میں کچھ ڈائٹ پلان ایسے ہیں جن میں صرف پودوں پر مبنی غذاؤں کا استعمال کیا جاتا ہے۔
سبزی جاتی غذاؤں کو کھانے والےافراد جانوروں سے حاصل ہونے والی غذاؤں جیسے گوشت اور دودھ کے بجائے پودوں پر منبی غذائیں سبزیاں، اناج، گری دار میوے اور پھلوں کا استعمال کرتے ہیں یہ غذائیں انتہائی صحت بخش ہیں تاہم جسم کو کچھ اور اضافی غذائیت کی بھی ضرورت ہوتی ہے۔
پودوں پر مبنی غذاؤں میں بہت سے غذائی اجزاء اور پروٹین کی کمی ہوتی ہے جو جانوروں سےحاصل ہونے والی غذاؤں میں موجود ہوتی ہیں۔ یہی وجہ ہے کہ پلانٹ بیس فوڈ جلد ہضم ہوجاتے ہیں اور آپ کو دوبارہ بھوک لگنا شروع ہوجاتی ہے اگرچہ آپ کھانے کی مقدار زیادہ کھا رہے لیکن ان میں توانائی کی کمی ہوتی ہے۔
اس کا مطلب یہ نہیں ہے کہ آپ سبزیوں اور گری دار میووں یا پودوں پر مبنی غذا کو کھانا چھوڑ دیں بلکہ اس کے ساتھ ہی جانوروں سے حاصل ہونے والی غذاؤں کو بھی اپنی خوراک میں شامل کریں۔
بادام، ایوکاڈو، سیب، شکر قندی، دال، پالک، کیلے، بروکولی اور سرسوں کا ساگ سمیت یہ سب غذائیں بھوک کو دور کرنے اور پیٹ بھرے کے احساس پیدا کرتی ہیں۔ تاہم اس کے ساتھ ہی ماہرین فائبر، مکمل اناج، پھل، سبزیاں، صحت مند چکنائی یا لین پروٹین پر مشتمل غذاؤں کے انتخاب کا مشورہ دیتے ہیں۔
اس کی وجہ یہ ہے کہ یہ تمام غذائیں دیر سے ہضم ہوتی ہیں، یعنی یہ خون میں شوگر کی متوازن سطح کو برقرار رکھ کر آپ کو دیر تک مطمئن رکھتی ہیں۔
تاہم بھوک لگنے کا یہ واحد عنصر نہیں ہے طرز زندگی کے کچھ اور عوامل بھی آپ کی بھوک کو متاثر کر سکتے ہیں۔ جیسے رات کی ناکافی نیند اور تناؤ کو دور کرنے والی ادویات بھی بے وقت کی بھوک کا سبب بنتی ہیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News